有個問題困擾左我一陣
上兩個星期去左尖沙咀照肚入面bb既結構性照聲波
醫生有同我講呢到係bb心、五官、手腳、頸、脊背、性別、身長
之後話大致上冇問題，拎左usb 同相就俾錢離開
但之後行行下唔對路，照之前上網睇話會一般照30分鐘，而且會講埋胃、肝、腎等呢啲齊唔齊，咁我就打番去診所問，個陪診姑娘接，話有照，但我同屋企人（2個）都聽唔到佢講呢啲器官
我好懷疑醫生有冇睇埋呢啲部位
而家搞到我有個小小既心結
照左2600蚊為求安心，但而家覺得個醫生好似冇睇足，有啲不安同唔開心
我照完會有份報告，寫哂照完既結果，有邊幾部分既器官。例如：腹部— 有胃，膽囊等等⋯
我照完都有一份報告，我唔係好睇得明，不過都搵到d器官名呀normal咁嘅字眼
我個醫生都係腦同心臟詳細少少講，其他都好快帶過，佢有講衣個胃，腎，肝就無提。
我所知照結構一定有睇重要器官齊唔齊嘅，有問題一定會同你講，有d醫生係睇左正常就唔會逐個逐個數出黎。
我睇個醫生口啤都ok, 所以佢話無問題我都信嘅。
不如你開名邊個醫生幫你照結構，如果係出名嘅醫生多數都放心D，可能只係冇特別提幾個器官名者。
佢冇俾report 我
Usb 得片，另外有幾張相
醫_坊
19樓
王培_女醫生
https://sites.google.com/site/nattoiselabbb/home/happy/hea/bb_doctor_
你睇吓你位醫生係唔係母胎學醫生之一，不過個list係2014年，唔係最update。或者你上網search 下醫生名，睇吓其他人俾咩comment。
另外，可唔可以打電話叫診所俾份report你，有份report係手好似安心D咁。
加油
我嗰陣照都係用咗20分鐘咋
反而我好開心，係bb合作冇遮住自己先咁快照得晒
我位醫生有逐part講，講得好快，快到有啲我都係自己睇番份報告先知咋
其實需要照嘅地方都會照晒，而醫生都有解釋到照結構並唔可以排除bb所有嘅唔正常地方
照完結構之後，我諗你都會搵番睇開嘅婦產科醫生產檢
到時你帶埋份報告去，咪可以問番醫生有冇照到肝同腎 
我照嗰陣有照晒所有器官，手指腳趾都數齊，照計時間長都係視乎你個BB客唔合作，好多媽媽都要照嘅時候中途出去行一圈飲啖水再入返去等BB個位置轉一轉。
我係自己個婦產科醫生介紹去照嘅，係上左年紀嘅女醫生2k有隻CD, report 會send番去我睇開個醫生到。
我係私家產檢醫生介紹嘅
有講基本嘅器官，但無仔細睇，無數手指腳趾，10分鐘都無就照完，只有一隻CD，成3000蚊，坊間有啲會有埋相簿，無報告俾我哋，報告send去私家醫生到，結果我個私家醫生解釋返嗰報告俾我聽，連我私家醫生聽到照咗10分鐘都無O哂咀，話我喺佢度產檢嘅時間都耐過佢，正常照結構起碼20至30分鐘
無理由無report 喎
其實好多人出去照係因為公立安排唔到，公立遲啲會問你拎report 睇的（唔會詳細睇相）
不如你打番去問下
我一定會打番去問
因為照係求安心
但而家跟本冇安心到
吓
10分鐘真係可以睇清楚晒咩
你照個陣係睇邊個醫生？
我照結構照咗30分鐘，有report，有usb 錄影全程，醫生除咗講哂所有器官，連d 大血管、腦部結構都講埋喎
至少都有份report 啦，定係你唔係照結構，係普通產檢？
問番你原來要主動要求先會有report
同埋再同姑娘傾多次
話有問題一定會講
所以叫我唔洗咁擔心
而家等佢report 寄黎俾我
到時再俾產檢醫生睇下
之後醫生打番俾我
話個陣一定有幫我睇晒
但因為我有懷疑 為求我心安
所以可以俾我照多次 唔洗補錢
而家我心情輕鬆晒喇 放下心頭小石
雖然覺得麻煩左醫生
但唔搞清楚呢樣野應該會有個心結
呢到唔該晒各位既解答
2個讚
咁你個醫生都好好人 
請問係邊位醫生和大約幾錢? thanks
鄭昆瑜醫生
超好，價錢唔記得，好似$3000，你打去問下啦，D姑娘都好好的，所以booking 成日都好full 
Thanks 我本身都是呢間診所做開產檢，不過佢full哂比唔到位我做，叫我出面自己搵第2間，我又唔太識出面果d