有無北區家長有揀小學經驗?
小女9月讀安基司國際班 K1, 想了解北區熱門小學多唔多功課
另外考慮係咪出沙田抽小學…
外區直私應該會照考的
多謝各位大大
有地址緊係抽沙田，沙田升中英中多
1個讚
北區兩間熱門五旬節都算谷校，應該功課都唔少
1個讚
應該沙田點都好過北區。北區大熱都必定谷，升中亦麻煩，本身借埋他區都唔夠用，Band 1 生都係 55 波入 Band 1 校。反而沙田係 Band 1 就一定有 Band 1，就算係 Band 2，都有唔少校風好，成績又唔錯嘅學校。
而且你如果考到直私，我諗你沙田返學應該容易過北區返學。
1個讚
兩間榮真算小功課(特別係1-4年班)，暑假無功課
1個讚
建議樓主可考慮搬出沙田.
如搬唔到, 北區熱門小學有: 粉嶺兩間五筍節/ 兩間榮珍/ 李志達/ 曾梅/ 惠州/ 正慧, 佢地升中派位都OK的.
但要留意, 因北區多大陸人, 到佢地升中時, 又未必想跨區出去考名津/直資, 所以北區Band 1 位係幾緊張的, B1 worst case 係會派去馬錦明的 (B1C-B2A)
1個讚
感謝各位回覆!
睇黎有得揀都係抽沙田先。
咁沙田小學係咪比起粉嶺無咁多功課?
同埋讀緊安基司國際班, 又擔心上津小會吃力
可以咁講，睇你想要輕鬆定係升中。
到呈分，不論直私官津，只要唔係龍校，就一定搏殺。沙田都有學校係冇咁緊張學業，但你對學校升中業績就唔可以抱好大期望。
明白…呈分我明會緊張
但有D真係初小就好深同辛苦, 所以都想了解下其實係咪所有小學都係咁…
就咁秤當然沙田好，但沙田真係要有直私backup，否則好難玩，除非唔博一線直接揀次線小學，但好多次線小學仲谷過一線的。咁要有好直私backup，某程度又要比少少壓力小朋友，所以成件事係好難兩全其美。
1個讚
應該唔係間間都咁CHUR, 不過學樓上JM話齋, 體制內魚與熊掌不可兼得
好難又要輕鬆學習升中成績又要好
我有朋友讀沙田四寶之一, 理論上係輕鬆D, 功課唔太多, 但升中得頭幾名BAND 1, 其餘8成或以上都BAND2, 3校, 又睇你自己接唔接受到
1個讚
小學返全日仲跨區出沙田,小朋友好辛苦,北區小學都唔錯架, 我女讀緊勒小,唔錯,老師好有心,功課大約5-8份包埋改正。 另外, 于小, 嘉真, 宣道都係好學校, 二線既馬小想升格英小,校舍超大,想谷既可了解多D,不過當然啦,係得北區誇境童一定有架喇, 但以我了解佢地都好叻自立,讀書成績都好既
如果升中, 北區更多band 1 校, 鄧顯,甲寅…
北區更多 Band 1 校？？？？？數埋 EC 都係得 5 間，勉強加埋陳融都係 6 間，Band 1 根本唔夠分，更冇可能多過沙田。
讀安基司，可以考慮K2轉全日班或主流班，上津小應該唔會吃力