想染個新色， 但呢個色要漂， 漂頭髮係咪真係比淨染傷好多？
最好就唔漂
我想染灰藍色，但都係要漂，所以都未決定好…
我都係仲諗緊，想染灰
傷，但係好上癮，太多顏色選擇
漂過一次
我本身就粗硬髮既
漂完其實冇話覺得好傷
不過有個好嚴重既問題…
漂完覺得d頭髮既質地唔同左…好似好索水咁…
洗完頭特別難乾…吹頭比以前耐左
1個讚
我都係同你差唔多.
本身頭髮比較硬, 漂完之後軟身咗, 無話甩多咗頭髮,
但質地真係唔同咗, 吹頭好難乾.
開頭一個月染完唔覺傷，仲為咗隻靚色而好開心
不過慢慢就會見到髮尾越黎越差
唔緊要架 咪把心一橫剪走晒啲髮尾再留過
講真 呢啲嘢真係要趁後生 想做就去做
我試過漂，因為頭髮深色，所以漂咗2轉，啲頭髮係好鞋好鞋，明顯係差咗。
朋友就要漂3次，有啲髮絲一條變n條（好似火柴人身驅咁），一拉就斷…
唔知啲明星點處理…
我覺得啲頭髮係會生返出來，所以想染就去染。不過要養返好啲頭髮，就要忍耐布甸頭嘅時間，通常頂唔順就會再去染就變不歸路，會好傷
未染過髮 頭髮極粗硬 如果去漂係咪可以令啲頭髮軟身啲？
因為我頭髮本身軟，所以呢層我都唔太了解。反而我就覺得漂完嘅好處係嗰頭唔會咁易油
唔駛日日洗頭。
利申，我好懶
1個讚
漂完真係好傷 每次洗完頭個頭都好乾好鞋 用護髮素hair mask 髮尾油個d都冇用
我下次唔會再漂 
所以漂之前真係要諗清諗楚
睇下要漂幾多次
如果漂一次ok既 少少傷啦
但有啲要極淺先染到，要漂幾次果啲就唔好啦
我試過連續漂三次，so far冇乜好嚴重既問題
但髮質變差、乾、冇彈性就一定
建議用印度的henna 染髮，天然無chemical
我長期漂同染,
教吓大家,我既心得就係首先向漂之前1.2個星期不停做護髲,即係髲膜個的.等的頭髮回覆最健康狀態.之後就可以漂,每漂完1次要停2.3日呢2,3日1定要用髲膜勁修護返個頭,之後再上色,上完就用顏色洗頭水KEEP,加每晚用髲尾油,咁就會KEEP 到好滑架啦1
ps 我係全DIY
灰色就一定要漂, 仲要漂好勁先上到
我都係粗硬, 仲加鬈
漂過全頭幾次, 某啲脆弱既唔止軟, 係直頭會爛
我髮質同你一樣
有無咩靚嘅髮色可染（唔需要漂嘅）？
有無試過babylight?
漂完好乾好硬，跟住再染會好傷
我都唔敢再亂染，上次染完淨係敢用回麗絲隻天然染髮劑染返黑