見題
基本上來來去去都係個幾點
- 量入為出
- 先儲蓄，後消費
- 分散風險
揾d具體d，大家分享下
- 首先將每日支出記底，分開必環及非必要兩項，一個月後，計埋每月嘅開支（管理費，家用，保險費，水電媒得），咁就可以計出每月有幾多錢可以用，如果金額少，咁就要睇返非必要開支個面有無方法減少，如果係無非必要開支情況下，仍然儲唔到錢，咁就得兩個原因，一係收入太少，一係支出太大
- 大多數人都習慣用完先儲，儲到就儲，儲唔到就下個月先，其實咁係好影響儲蓄，永遠都儲唔到，所有應該每月先儲起一舊數先，之後先諗回用錢，倒如每月儲2千入銀行，一年就一定有儲萬4，反之用完先儲，咁就有可能2萬4都儲唔到
- 分散風險講嘅係資產增值，香港人大多數買股票，因為快錢，無講你買幾多隻都好，都係單一市場，一跌就死，另外投資工具盡量唔好有相關性，以免火熱連環船，投資應分跌中長3方向做，唔好太著重賺最多錢，有賺就可以
3個讚
我有個好具體嘅方法，純粹睇你會唔會堅持。
將所有支出記低，買一個面包都記低（手機開頁note或down個可愛啲嘅收支app去寫），咁每次買嘢前就會因為覺得又要寫好麻煩¬e入面又會多左筆負數而減低購買意欲。
另外每個月review番自己每項消費，好多時都會後悔，下個月就記住呢種後悔嘅感覺，買嘢前自然三思。
呢個係我做學生個時用嘅方法，好work！當時未識儲錢，錢又少，用左呢個方法真係洗少好多。
衣加人大左，已經冇乜購買慾（以前細路女乜都想買），亦唔鐘意去旅行，所以儲到好多，比埋家用食埋飯，人工70%都可以用黎儲。
同埋係屋企習慣斷捨離，下次買嘢就會覺得件嘢阻碇唔買！每次丟棄都諗番起當初用左幾多錢係呢舊廢物到，下次唔好重複犯錯！
9個讚
我而家都好怕買無聊嘢，好多時都係心引買
嫁個有錢人
2個讚
比左家用都要識理架
1個讚
-
分析下每個月嘅必要開支, 之後限住一個月俾自己有幾多錢作"零用錢"去shopping, 玩樂, 食飯…
-
每個月一出糧即刻plan扣除必要開支, “零用錢”, 交埋卡數後, 可以儲到幾多錢
-
開兩個銀行戶口 , 一個作為流動資金. 另一個作為儲蓄用, 有入冇出, 唔可以有提款卡. 每個月一出糧, 計好晒果個月可以儲到幾多錢後, 即刻將啲錢transfer去儲蓄acc.
1個讚
有個方法，唔知你有無聽過，當你想買件嘢時，唔好即時買，除非必要性，俾3次機會自己，當你第三次見到時仍然覺得有用就買，但大多數當你見到第3次時，你會覺得其實無必要買
7個讚
其實有無諗過份家用無必要定係心意式呢？ 如果係必要性，咁一定要俾，如果係心意式，其實可以傾下可唔可以減少，我試過見對母女，解釋返俾個阿媽知，阿媽即時話唔駛俾，自己儲起佢
更加要識理財，女人結咗婚都唔好靠哂老公
3個讚
咁我又未去到家用攪到一貧如洗O既…不過可以理財更好就更好
我覺得可以分幾份
- 10% 享樂 / 15% 返工駛費 / 15% 家用…ETC
一出糧就抽起一份係儲蓄先
2個讚
如果你似我咁有時會大洗
月供係可行既…
迫自己每個月找月供數~
大家討論下…月供都好, autopay扣左冇得煩
2個讚
如果俾家用，最終兩老都係放係銀行度，其實反而會蝕通脹，不如拎去增值重好
我回樓上係講 嫁個有錢人，咁有錢人比家用都要管理
如果係長老，佢係儲埋仲好，最怕去銀行買乜買物，唔知乜事跌入咸水海 
我鍾意使錢，所以一開始出嚟做嘢，就做零存整付，每月逼自己儲錢。
依家都做緊。
我係咁，慣咗唔會第一次見到就買，你會發覺行開咗就唔記得。如果真係咁需要，你會再出去買