小朋友3歲半，好細個開始發現成日流鼻水，通常朝早黃昏特別勁，睇醫生話鼻敏感，只開止鼻水藥。後來我地夜晚長開空氣清新機，情況有改善，但一年半載後好似又再來過，但變咗一朝早起身係咁打乞嗤，加少少鼻水，跟住無嘢。
深知鼻敏感手尾長，但3歲人仔有咩可以做？感覺情況未嚴重到要睇專科，但又怕處理唔好大過有排受，想請問有無同路家長分享下？
我兩個仔，係戒飲奶，我覺得有幫助。1歲左右已經戒左奶。
出去做強d跑跳既運動遊戲，都有幫助
但而家大左，就起身時先會狂打hug chu 同流鼻水，眼痕
1個讚
無諗過飲奶有影響，小朋友的確未戒奶，有時瞓覺前仲要飲一支，等我留意下。謝謝
利申：鼻敏感，而家30+歲，屋企仲有養貓
我細個時老母試咗好多方法，食鱷魚肉、飲魚油、睇中醫etc…我仲有皮膚&腸胃敏感，仲試過生濕疹不過後尾好返。最好嘅方法係做運動，增強抵抗力。
至於上面有人講奶係真，牛奶係敏感體質極度唔岩飲，我戒咗七八年了
3個讚
戒奶係一位兒科醫生教我。
都係試下無壞既心態。但真係work 一戒3個月左右就見到不一樣。
雖然唔會斷尾 但起碼佢地起身後一輪狂鼻敏感症狀後，全日都會正正常常。
仲有床唔好放毛公仔，床上用品洗得既，我最少3至7日洗一次。
BTW, 我有養貓, 左我d小朋友都無大問題。
除非我執野整起大塵 (上年搬屋就大鑊)或轉天氣或聞左強香水/煙味果d 。。。
我既小朋友可能要食黃丸仔，因為呢d佢地會塞晒個鼻。
1個讚
打算呢個暑假學游水，希望學得成。而家疫症最困擾就係無得同佢出去做運動，成日困係屋企唔郁可能都有影響。BTW，你媽媽試咗咁多方法好強。
我個兒科醫生係話唔好強逼佢戒奶，等佢自己戒，但醫生係出於小朋友安全感嘅角度，所以我一直無幫佢戒，我都無諗過敏感呢個原因。
轉天氣真心折磨，每次都係一星期計嘅事，老師永遠懷疑唔係鼻敏感，病假係3日起跳，最耐試過成星期無返學。
1個讚
我女今年6歲
又係鼻敏感
佢唔單止打乞痴同卒眼卒鼻仲會咳
如果咳到扯蝦我會比佢吸氣
真係心痛
1個讚
我媽都有夾我去游水，但細個唔識諗啦。而家大個咗先發現最有用都係做運動。游水有洗鼻嘅效果，我讀大學時咳咗一年，睇中醫睇咗八九個月就做埋天灸搞好多嘢先好返。出嚟做嘢之後開始胃唔好添…又有次咳咗半年，每星期游兩次水，兩三個月就好返。
1個讚
之前我都有分享過 ，我個仔同女都有鼻敏感 ，朝頭早不停打乞嚏 ，亦都有鼻甲肥大，鼻塞得好嚴重
我用這個方法一齊試，佢哋再冇打乞嚏。大家試試 
:
-
去屈記買海豚海水鹽水洗鼻，早晚都冼，晚上果次最好洗完後叫佢打乞嚏呻哂D鼻水出嚟先瞓;
-
房間一定要日日清潔，吸麈，毛公仔拎走;
-
日日吸床褥;
-
買有 hepa 既空氣清新機，瞓前一小時好開定;
如果長期鼻塞，買 avamys 臨瞓前各鼻孔噴一吓，先用 14 日。**好重要，不要買安 x 0. 因為長用會有 rebound.
我兩個小朋友用以上方法 , 大概一個星期之後已經冇再打乞嚏, 而其中一個係打咗六七年， 亦因為用以上方法， 一個禮拜之後就冇起床打乞嚏了 ~
希望有效！
3個讚
帶佢多d跑跑跳跳。做運動係最有幫助。
我個人就係咁，有做運動時，完全無問題，一停左n年越黎越嚴重
1個讚
除非小朋友過肥遮，唔係飲奶營養好，身體抵抗力都好d，無咁易敏感。
一早介奶，身體唔習慣奶類，遲早變乳糖不耐症，即係d人成日講大人唔飲得奶架，飲奶類野會肚瀉。—>營養師話
我都有鼻敏感
細個有2年一年4季都游水，冇發過
抵抗力一差返就發
1個讚
我都幾十年鼻敏感，細個日日朝早打乞次，流鼻水，個鼻長期抹到紅曬，細個阿媽就搵中醫幫我調理，介口，可以話介得既野都介曬，只食白飯=豬肉，飲唔知乜中藥、乜鬼湯，之後身體勁差成日病。
中學時就繼續日日朝早打乞次，流鼻水到下午，多左食物敏感，畢業後食過n個牌子靈芝胞子、蟲草膠囊，乜鬼辛夷花都煲過(日日飲，飲到頭暈，m狂流就停左無再煲)，之後剛流行做天炙，話做一次有效，我又去左做，做完當然無效啦，個中醫話要做埋冬天炙，做完又無效仲敏感多左，之後中醫話調理中，唔好停，前功盡廢……之後做左3年 夏天炙、冬天炙、針炙、推拿、食中藥、介口，無效之餘變成極敏感，多左眼敏感、腸敏感，敏感到失控要食敏感藥，咁停左中醫無幾耐病左，有日食完藥敏感要call 白車 (食藥後神智不清，暈)，去到打針，留左係觀察病房一段時間，個醫生問我事前做過乜？(咪病左食藥囉？！全部都係睇政府，包括中醫)。之後個醫生叫我停中醫話懷疑攪亂免疫系統。
一陣再打。
跟著果幾年勁敏感，皮膚敏感、濕疹都中埋，有時估食錯野，個包裝袋寫廠房同時有處理…都中招，出風疹，敏感藥打孖食(醫生同時開2種敏感藥)。 咁我去學游水，聽聞話好work，點知池水氯氣都令我敏感，停學。
後尾再黎一種敏感(醫生懷疑係好罕有，我唔講係乜啦，總之好麻煩啦，長手尾)。
跟著有次又食錯唔知乜野，最終敏感藥打孖食都唔work，全食出風疹出到個人腫曬，鞋都著唔落，唯有去醫院，打針，食類固醇一段時間。
不過食完類固醇之後，touchwood ok，又試洗鼻，又見過n次營養師(腸敏感)，食緊益生菌，仲慢慢嘗試飲番奶，宜家叫左執屋大層會發作，改為帶口罩就ok，其餘時間都叫無「大」發作，一年：約10日要食敏感藥，眼藥水宜家都用幾十枝，益生菌日日食。
好詳細分享，謝謝
請問吸床係用咩吸？dyson？
同埋小朋友幾大開始洗鼻？我小朋友如果洗鼻實同我死過。
海豚海水鹽水果隻係噴霧黎，唔同洗鼻d鹽水左入右出，小朋友用海豚會舒服d，不過嚴重鼻塞時盡量唔好用，我上次差少少谷穿耳膜。
我自已部空氣清新機係24小時長開，有異味識自已行turbo，方便d，不過我一屋2部空氣清新機。
冷氣機最好安埋3m靜電過濾網，會好好多。
1個讚
聽到都覺辛苦。就係有朋友同我講，細細個鼻敏感但屋企人無乜理，結果越大越嚴重，仲有鼻竇炎。而且我知鼻腔相關嘅治療都係非常痛苦嘅，唔希望小朋友要經歷呢啲。
本身中醫都應該係最後選擇，因為我自己都無睇開，唔熟悉，無理由反而叫小朋友睇。
我用 dyson, 我的7 歲啊！
2個讚
我之前個仔嚴重到D鼻竇炎塞咗一隻耳仔，聽唔到嘢，嚇到我死咁濟！以後唔敢怠慢 