有研究下護膚品成份，甘油喺護膚品當中其實係一樣好特別嘅成份，佢有一個叫潮解嘅特性，可以吸收附近大氣中嘅水份，幫皮膚保濕，所以佢好簡單已經可以好保濕。
因為甘油個結構好適合用於提取植物精華，首先可以用甘油 + 新鮮/乾燥食用級植物（例如薰衣草丶金盞花），浸成一種外國叫 Glycerite 嘅甘油提取液，再用以下方法稀釋落唔同護膚品（唔想整直接用普通甘油都得）：
-
甘油保濕水（純花水／蒸餾水／凍滾水＋甘油）
有時用花水，無論係噴定用面膜紙敷，都會覺得好似唔夠保濕，咁係因為花水缺少咗一樣叫「保濕劑」嘅嘢，而甘油就係一樣好好嘅保濕劑，令花水更吸收。 -
甘油蘆薈面膜（蘆薈啫喱＋甘油）
無印賣面膜紙都成兩蚊張，所以我有時會用蘆薈做 Base，咁就可以直接搽上面敷。 -
潤手霜丶粉底液丶臉霜丶精華等等任何唔係純油嘅產品
護膚品八成都有落甘油，但如果冇，你又想佢保濕啲的話，可以自行加少少，有啲好易浮粉嘅粉底液好適合加少少，會減輕易浮粉個情況。
以上三個方法甘油用量大約係 5% 左右，最多 10% 都可以，不過 10% 用起黎會有少少黏，最緊要係千其唔好唔稀釋直接用。
（自己打手）因為都唔係三言兩語講得晒，我拍咗條片詳細解釋下點做，如果有興趣玩希望可以睇下支持下：
https://youtu.be/glsEtmCqpDw