如果個B對音樂有興趣
有冇JM知道應該幾歲開始？
應唔應該一早買琴？
買咩琴好？電子琴好唔好？
去琴行學？定请人上門教好？(當然價錢都好concern, 邊樣好啲又平啲)
我本身無學鋼琴, 但有小提琴底, 覺得女仔學下音樂都唔錯, 有能力都希望兩個女可以學十年八年音樂
我本身唔係虎媽, 唔鐘意迫(但有人話過我成日迫人做野
)细個時學都係自發, 好大個先开始學, 但我冇鋼琴底, 樂理好差, 冇繼續學落去
好希望兩個女可以自發地學下音樂, 當係我俾佢地人生嘅一份禮物 
個人覺得4歲以上學會好啲，因為識寫字。
而考級方面唔好強求佢好細個考到好高級，太細唔明分數（四分一拍嗰啲）。
總之就隨意，無興趣就算，樂器好多種，有啲人鐘意管樂、弦樂器、敲擊樂器等等，有啲人鐘意畫畫、計數、運動…
2個讚
我個女五歲幾喺琴行學，老師話五歲開始好d，因為手仔大d，又明老師講嘢。
我地一開始就買琴，因為冇琴就練習唔到。我地屋企冇乜位，所以買咗Korg B1。依家用咗一年多d，冇乜問題出現，但聽落去始終同真綱琴係有分別的。
我都唔識彈琴，俾亞女學都係想佢有個興趣，同埋感覺上可以陶冶性情。但對佢升學冇乜幫助，因學琴冇分。除非好細個就表演級，又喺出面勁拎奬啦。但我地冇呀，因為想佢鍾意彈，冇被迫嘅感覺。
希望幫到你啦
2個讚
我教琴，大女2歲半，暫時每日同佢唱下歌，買左個tiny korg piano俾佢玩，不過細仔（一歳）好似鍾意多d。
我計劃可能4歲開始教下佢⋯睇佢有冇興趣la… 如果佢地肯我會俾佢地學小提琴，琴就自己教到就教。
我自己最細收過3歳半學生⋯⋯我覺得⋯⋯都係4歲半-5歲先去學琴la. 如果你唔介意玩樂多過學琴就早d都冇問題，不過系我會選擇同佢去唱歌班先
1個讚
呀女四歲開始學Suzuki Piano，而家八歲，疫情期間用視像會議學。係佢主動話要學琴，今年開始學Flute，有鋼琴基礎，其他樂器好易上手，尤其是睇譜。
我女6歲先學clarinet, 7歲開始學埋琴 (我開頭諗學琴可以幫佢明白樂理), clarinet 有考級, 學琴就講明唔會考級, 但學左年幾佢對琴嘅興趣不大, 又唔願練, 咁無謂再浪費時間就cut左琴。 學樂器真係要睇興趣, 特別係咁細個其實最緊要肯練。樓主小朋友可以試學半年先, 真係有興趣學上去先買琴吧
我自己有教開，我女都係四歲幾五歲先正式教佢彈。
依照自己小朋友為例，好明顯睇到四歲，同五歲手指嘅力係有分別，就嚟五歲嘅時候，手指力好好多（意思係同四歲比，當然同大個嘅，仲係有段距離，手型要執）。
所以之前都只係係咁易玩吓，同埋教拍子。
太早了，BB有D音樂班上下，鋼琴4，5歲啦。鋼琴真係好大座好阻定，大女初學（5歲）都冇搬個琴返屋企（係外家）， 寧願買琴卡練，後來一年多真係會學落去先搬返黎，依家都中學， 講真唔係考級都唔會練下琴， 不過叫有兩個一齊學緊。
2個讚
我情況同你相似,我有部大電子琴,係朋友2手俾,我都唔識彈~你係屋企會跟住小朋友一齊練琴嗎?
開頭有一齊練，因為等佢開心d。但依家佢果d開始難，所以我冇再同佢一齊彈lu 。但就有坐喺佢身邊聽，聽下拍子有冇快同慢，等佢覺得大家一齊參與，互動吓咁囉
1個讚
其實我都有興趣學彈琴,唔知陪佢練,會唔會自己都學識呢 
暫時我同個女都跟到初級~
1個讚
我女琴日第一次上堂，暫時係鍾意嘅。我細個都好想學，但屋企無能力比我學。希望我女keep 倒落去啦…
2個讚