我同老公本身自己由細到大都住九龍，結婚後因買唔起市區樓就搬左入大西北，而家仔仔出世幾個月，諗緊搬屋…未必夠錢搬返出九龍，聽聞沙田區校網都唔錯，咁唔知88,89定91網比較好呢？我知道中學好似係同一個校網，但小學嚟講 係咪都係91最好？
91網應該係最好，所以勁多人爭⋯
91網天地網，有些較有名的，也有些學校有啲人話麻麻地。91網排位方面要小心。88網十多間學校大致平均。
91網無得傾
申利，我都係91
88校網係大圍，
真係唔易揀
，
一條馬路之隔嘅91校網好世界得多。
91 係天地網，一念天堂一念地獄。四強（兩呂、一胡、陪基），沙胡、朱小、蕭小、主風乙一都開始唔係全收（乙二可能都係一個起兩個止），唔中就飛去寶校。咁寶校入面升中最靚仔係慈航，計埋啲 Band 1C-2A 校，應該就 23% Band 1，黃耀南就 9% Band 1，其餘就一啲聲氣都冇，咁可以當 5% 或者甚至冇。
所以玩 91，請準備私校。
88 網相對平均。收 SEN 比較多嘅張煌偉都有 12% Band 1。美林雖然被人話「寶」，但其實都寶唔曬，佢個精英班都唔少野，所以都有 27% Band 1。恩平就最少人揀，Band 1 少於 10%。你肯乙一/乙二美林，咁就可以等返學。你要搏四大（沙官, 聖心, 陳元喜, 迦密），請準備私小。
89 網同樣，玩 7 間大熱請玩私小。唔中就去純陽、泰伯。
所以照咁睇，88 算係最安全。
8個讚
同意88網較安全，而且91網都唔夠學位，要向88和89借，加起來可能有2x間學校要排，一下唔好彩派去89網都幾遠
88 乙二乙三都仲有得填下，91就天地網，乙二已經要揀借位 (有兩年大熱他區借位) 乙三要揀寶校
原來係咁…多謝哂咁多位嘅回覆…原來91都唔係想像中咁好
我會再諗清楚!! 感謝
小學91網
中學就大圍沙田馬鞍山都可以揀
91網中首三志願比例不足六成，89都係僅僅得六成，兩個都好難玩，保守估計，唔計自行，可能有一半人係抽獎階段係中寶。如果進取嘅梗係揀91，但無諗住考私校backup嘅，88應該較好。
1個讚
91校網係天地網，上面講得好好，常年都係全港派位最難嘅校網前五位。
88校網係真係平均D，所以值得考慮。不過大圍人口增加得好快，對於派位嘅影響有待觀察。
89校網係其實都易過91校網嘅，我可以講多少少。按升中派位成績計，馬主/禧年/馬循呢三間係89校網一線小學，扣除馬鞍山四寶之後，剩低果四間成績都算二線。不過馬鞍山家長比較特別，派位成績麻麻嘅二綫雨川，有時仲會多人報過成績最好嘅馬主。不過家長要留心一樣野，就係89校網大部分Band 1學生都會傾向留係沙田讀中學(地區名校)，跨網嘅機會好低，就算成績最好嘅馬主，都好少人離開沙田入九龍/港島讀傳統名校。
有泳池、校舍新+可能係保記所以多人揀
咁唔係個個家長都想入一線既 我正正有個打算2 年後回流加國的朋友就揀左雨川
1個讚
Yes, 保良局雨川最大嘅優點應該就係千禧校舍，加埋個泳池。不過佢連每年升中派位人數 都唔敢寫，好明顯同馬鞍山靈糧/保良局莊啟程/宣道會陳元喜一樣，都係89校網嘅二線學校。
89校網會每年公佈升中派位具體人數嘅，就係得果三間一線小學（馬鞍山主風小學， 九龍城浸信會禧年小學， 馬鞍山循道衛理小學）。
所以馬鞍山89校網(11間)如果按升中派位分類都好簡單：三間一線，四間二線，仲有四寶。當然，每個小朋友/家長嘅選擇都唔同，一線固然有佢嘅好處，亦有佢嘅壓力。
1個讚
