我想請教吓大家點收納乾貨/ 煲湯料。而家用密實袋裝， 但都唔多整齊
要引玉，就喺度拋吓磚先，同大家分享收納心得。歡迎交流吓
收納工具每件計唔算貴， 但量多， 加起條數都唔少野。 唔想洗咁多錢喺收納工具上， 一係斷捨離冇用嘅野， 一係用現有嘅盒 / 分隔
統一收納用具款式， 如： 衣架、 衣夾、 豉油樽、 油樽、 洗手液/沐浴露/洗頭水樽
好多野都統一唔到/唔想咁麻煩， 就放入同一款式嘅收納箱/籃，平時睇唔到就唔覺亂
擺位要跟生活習慣， 如： 平時喺廁所做護膚程序就擺日常護膚品喺廁所
方型玻璃瓶
有d少用嘅，可以放雪櫃/冰格
雪櫃太爆時，又可以拎返出嚟，靈活
少用嘅買1、2次份量
常用嘅(龍眼、杞子)買半斤放雪櫃
我而家多數買湯包架喇
因為得我一人飲湯,一星期煲得一次
之前買太多,發晒毛
睇嚟都係買少啲先係上策
其實係媽咪買， 控制唔到佢 
同意，人少的確湯包好。
唉， 但屋企人多， 媽咪又唔肯扔/買少啲
我兩個月前買咗桑葉同紫蘇蘇乾嘅，放喺廚櫃到，吽了飛飛出嚟，嚇死我喇，我以後咩都放入雪櫃喇
但人多 唔會好快用得晒嗎?
我有買湯包，但亦都有買散裝湯料再加。
我d湯料係用密實袋一袋袋咁裝好，然後買個透明膠箱裝起哂放入櫃，感覺整齊d。
佢買好多， 幾個人都用唔曬
首先要將所有湯包放係同一格/箱/盒內。
統一用同一size密實袋，準備一盒黑色長尾夾，手寫label/demo機。
將乾貨名，例如花菇，寫係label上，最好寫埋購買日期。
再貼上長尾夾夾係密實袋當眼位。
再放入盒到，每次打開就好清楚。
好方法喎， 試吓先 
唔該曬
大成街街市有
湯包海味：寵我雜貨店
而且有得網購，用翼蜂速運 (新開)
1/ 湯料、乾貨買少量，半斤/ 4兩咁買，用晒再買。我屋企只喺周末煮食，樣樣買一斤放到發霉都未食晒。
2/ 貴價乾貨湯料用密實袋裝好放雪櫃；平價但易惹蟲如紅棗會抽真空，其他用密實袋裝好，放乾貨專用櫃內。
3/ 烘焙食材，麵粉只買1KG包裝，開封倒入膠盒內，盡量一兩星期內食晒。
4/ 烘焙模具打直放magazine file，貼label分類。