星期一約左今日，足足折磨左幾個夜晚，因為童年陰影關係，好多年冇睇過牙醫…但再唔搞棚牙驚遲下冇得救,宜家牙醫話冇得洗牙，去補左左3隻牙
醫生話我有牙周病，但洗唔到牙住所以冇得搞，仲有2隻要剝
整牙真係好貴！有冇jm做過植牙呢？
1個讚
好慘啊，你仲要整咁多隻，唔剝得唔得？鍍牙齦加牙套可以嗎？植牙好似好痛又貴
後生就整返好棚牙啦！
係唔平既，不過冇理由戴假牙架！
植牙過程係唔痛！
最緊要係整完之後好好護理牙齒，咁就唔洗再花好多錢啦
2隻都冇得救啦植牙係勁貴
咁想問下植完會唔會好痛？同埋植嘅時間長唔長呀？
一般一小時左右都應該做完，視乎醫生！
過程一定唔會痛，會打麻醉針架嘛！
做完可能有唔舒服，不過都唔算係痛。
但係都未洗到牙就仲會唔會唔好？
醫生咪同你一步步做！
補牙先，下次應該係洗牙（因為你有牙周病應該會有好多血）
之後再剝牙，可能要等啲骨生好再護理下，準備植牙。
請問有無人有植牙醫生介紹, 最好唔好咁貴. 我有隻大牙無左.
我植左 2 隻，因為牙醫評估左杜牙根都冇得救， 植牙喺24000至28000要睇咩牙。首先喺打麻醉脫牙，然後1個月左右去開刀放一支 鈦合金，2星期後再拆線，咁再過3個月就做牙模，等2星期後裝牙套。
我覺得脫牙後麻醉藥過左喺比較痛d, 之後過程都ok
頗嚴重啊，牙周病要慢慢搞，聽牙醫吩咐點做，問下佢用啲保護牙肉的漱口水有無幫助？
牙已經補左，醫生話因為肺炎未知幾時先洗得牙
想問下係做完哂先比錢定上螺絲已經要比哂？
種牙真係要好長時間
分左4定5次比錢， 幾千幾千咁比，但裝支釘就收左我10000
有d診所仲有洗牙，我用果間保險提供既牙科診所無停過洗牙。[quote=“Babypizza, post:12, topic:16787, full:true”]
牙已經補左，醫生話因為肺炎未知幾時先洗得牙
[/quote]
要咁貴架咩？我醫生話而家通常2萬左右一隻，佢自己就好似萬三四，兩萬八成三萬真係好金
喺呀！最貴是植牙，平嘅我唔敢去，太貴嘅又唔捨得
萬三四超平喎, 點解唔揾佢呀.
如果要做一定搵佢呀睇開，但我托賴唔洗種牙呀，只係咁岩見到先知原來出面咁貴
你地有無牙醫好介紹？超怕睇牙，但下星期都要去睇，牙齒時不時隱隱作痛。