繼續 母乳媽媽吹下水 的討論:
想問吓各位媽媽，會喺公立生，想餵母乳，前兩胎經驗，bb都有黃，頭幾日未夠人奶比bb去黃，出院之後要頻頻返醫院check指數，結果跌磅太多要入院補奶粉，bb同大人都好攰。
今胎好可能又要經歷一次。其實入院時係咪應該揀餵奶粉，比bb去咗黃先，出嚟再餵返人奶呢？我諗住生完喺醫院嗰幾日每次照比bb啜先，再補水奶，咁就唔洗餐餐求姑娘比水奶。
有冇媽咪相關經驗分享？
第二胎開始上奶應該快啲。
當然如果唔夠奶，我認同可補奶粉，過了頭一兩星期先。
可以出左院照餵人奶另補奶粉。初初未上奶同bb食得小。對面黄都有關係。飲得多去大，小夠就好快退黄呀。
我第一個嗰時教訓勁慘痛，佢照咗兩次燈
所以第二個嗰時學精咗
喺醫院得閒無事就餵，每個鐘搭正就餵
佢係有黃嘅，主要係出院之後好忙，keep 唔到餵得咁密（冇人幫手，月都係自己坐，仲要照顧個大嘅），但未到要照燈
餵唔餵奶粉，就睇吓姑娘點講啦，如果有需要就緊係bb健康緊要
我一生完，呀仔就入左加護病房食配方粉。我又未復原，兼未上奶。只係泵得0.2-0.5ml。呀仔出完後就全人奶，黄左成個月，都係每星期返健康院同醫院check指數。但每次去check都有退到啲。醫生話食人奶係退得慢啲。同埋要記得每日同bb一齊曬10分鐘太陽，都好有幫助㗎
利申，幸好初初只係剛剛扎界，不用照燈。
飲人奶，初初要餵密啲
我BB晌醫院頭2日交咗俾姑娘代湊同餵奶水, 之後我先開始埋身餵。初初問題係食奶水食大咗個胃, 我又未夠奶, 所以期間都要補奶水
我覺得唔好執著全人奶就OK喇, 有啲媽媽為此搞到好唔開心, 我就冇乜所謂, 只不過幸運地過咗1、2日就可以全人奶
1個讚
其實我第二胎都揀左奶粉，因為其實揀奶粉，佢都係定時派水奶俾媽媽自己餵，如果夠奶，咪唔飲水奶。但唔夠奶，再要佢俾水奶就唔係咁易，一來佢地忙，未必即刻拎到俾你，二來有啲姑娘會叫你再試下。其實出院上左奶，再轉返全人奶都唔難
Bb黃要照燈係因為不是喂人奶？還有什麼原因會黃要照燈？
bb要照燈係因為新生兒黃疸，可以睇下條link
我b一出世就入左加護病房，所以响醫院佢係餵水奶，但我都會夾餵奶時間去餵人奶再補水奶，半夜都唧出黎拎去餵
所以對比上兩胎全埋身，今胎係無乜點黃既，而今胎除左頭一個月有補奶粉外，一直都係全人奶直到而家14個半月
所以唔洗担心，阿b 响醫院佢夠濕片即係ok,如果唔夠既咪補奶，慢慢追返實得既