我冇養狗架，但覺得husky好可愛
好奇一問～～
間中係街見到都覺得husky屬於雪地
其實係香港養佢地會唔會好辛苦好熱呀？
我搵左兩個網，有個話佢地啲毛擋到紫外線所以ok，但另一個又話佢地一定要長開冷氣，仲要好多人因為電費貴而棄養 
「本報記者在網上發現近月來有為數不少的雪橇棄養個案，特意訪問了「雪橇國度」的版主，亦是專門為雪橇尋家的狗義工「土匪爸」，了解狗主棄養原因。土匪爸指︰「夏天平均都有1至2單，今年夏天更突破至每個星期3至4宗求助。」，而截至現時為此，已有約30宗求助，令人大感無奈。而棄養原因層出不窮，包括︰「電費貴、沒有時間打理、威完遺棄、過左三分鐘熱度、分手及離婚、朋友送贈、患病唔想畀錢醫、破壞咬爛傢俬等。」亦因如此，夏天時，雪橇需要長時間開冷氣，令部份狗主因電費昂貴而生棄養念頭。」
https://skypost.ulifestyle.com.hk/article/2386870/香港再現雪橇棄養潮%20義工力數8大藉口︰電費貴﹑咬爛傢俬…
我曾經養過，
其實我覺得喺有夏天嘅地方養唔係咁好。
因為哈士奇有層絨毛喺底係保暖嘅，
面毛係扇水嘅。
哈士奇運動量大，每日至少出街2～3次，
如果唔係有大屋就真係唔好養，
本身佢體型都大隻，
條尾一掃d嘢全部跌晒。
無辦法喺屋企同佢沖涼，
因為家用風筒吹唔到d絨毛，
所以如果d絨毛濕住會好容易有皮膚病。
但係喺香港帶佢出去沖涼美容條數都幾甘下。
嘩出2-3次街都幾多
要番工真係難啲
其實好多狗狗都鍾意跑跑跳跳
香港人多路窄冇乜空間都有啲慘
咁果時出街你覺得佢會唔會好熱？
屋企真係長開冷氣？ 
未養唔好養，你會後悔的。
我應該唔會，冇信心照顧好寵物呀，一條生命要好慎重，不過好奇炸
我識人曾經有養過，住三層村屋，屋外好多地方走動，真係長開冷氣的
真
以前唔興養husky
到一開始有人喺香港養，已經覺得好黐線
香港係完全唔適合
無論幾鐘意，都係唔適合！
屋企夜晚先開冷氣，
嗰陣隻哈士奇會自己開門入房涼冷氣。
佢真係會好熱㗎，一出街要飲好多水。
其實呢啲狗根本都不適宜家香港養， 大家都辛苦
我覺得佢哋好似長期蓋住張棉胎咁
寵物真係要三思
