試過個肚劇痛幾次
痛到喊出黎嗰種
想做下運動順產易生啲
又唔敢跟人做瑜珈
有冇媽媽有試過
會唔會易生啲/覺得安全嗎
好驚整到阿b
宜家淨係行路當做運動
我都想知道，腰背常覺得痛。
之前疫情又唔敢去報班，唔知自己上網跟youtube做安唔安全
1個讚
唔好話大肚，就算無大肚姿勢錯咗無老師糾正都有機會整到，我就唔建議。買個fit ball 番嚟un 下仲安全。
我以前有做開，所以有d pose看似簡單，但要留意細節位，例如腰同個身會唔會扭得太過，第一胎都有去上，第二胎先自己喺屋企做。
Exact7ly
宜家就咁坐喺度
大脾同個身 <90度角都會覺得唔舒服
我自己睇coffee做都無咩大問題，而家bb14週 
但如果你有嚴重問題出現，可能要問左醫生先
1個讚
係 下次見醫生真係要問下
我都擔心姿勢唔好會整親，唔敢亂做
但係個肚已經好大，最近背部成日痛，影響到訓唔好。忍唔住做兩個最簡單動作，又好左少少。
我朋友教瑜珈，話fit ball唔好隨便un
我身邊亦有朋友un football un到早產
當年我有上fitball + yoga 嘅堂，屋企亦常un 因為完全坐唔到梳化，臨生前un 波un 到姑娘叫我唔好再un 去休息下都痛足一日先生到出嚟。
當然，有擔心嘅去問番專業意見，我分享番少少個人經驗
我無睇過網上嘅片老師點講，如果instructor 好嘅佢會提醒d 動作，比喻hip要收緊，用邊到力唔好用邊到力，自己注意番應該會減少做錯嘅機會。
如果大肚前冇做開運動既就真係小心d，記得問左醫生先，識yoga老師大肚仲乜都做到，所以真係冇得比
我由三個月就一直睇coffee既片做 腳都無抽根
我3個月開始去p記做！
一星期至少一次/2次！我自己做完好舒服！
腰多左力support bb！
不過好睇個人！痛當然唔好做！
出去做孕婦瑜珈有導師講解，成個過程都係慢同舒緩同舒展為主，唔會快同急！
每個動作都會提醒你唔洗太push，亦會每個動作提供多種方式（即係如果你reach 唔到，你又可以點做）
如果有痛，最後都係問下產科醫生先！
普通拉吓筋得唔得？平時冇做開瑜珈，唔建議呢個時候開始，又冇教練指導
視乎導師啦。我大肚嗰陣時係去專教孕婦瑜珈班，幫助減少腰酸骨痛，改善姿勢好多。無Un ball架𡃓。我覺得超有幫助。五個月開始可以做，直到8個月左右就停上堂。導師話8個月之後喺屋企做低風險動作就可以。導師仲會按個人情況，教我做乜動作可以舒緩。一啲都唔危險。
有（我老婆）。托住個女嘅時候一路都有做。
如果從來冇瑜伽經驗，我唔建議睇片做。姿勢會錯晒，最緊要好大機會整親。
如果大肚更加，一定要搵經驗好嘅studio 或者先生睇住。yoga 其實有啲posture 唔適合女人做, 其中一個收腹，會壓着子宮，有冇BB都好，絕對唔適合女人。
如果姿勢正確，yoga 可以幫助懷孕之後嘅唔舒服. 因為瑜伽佢哋會教你伸展.
利申：我做咗10年瑜伽。
2個讚
fit ball 睇落唔算chur都咁危
Un個動作地心吸力個令Bb向下走呀，所以產房多數有得比啲媽媽用，所以要小心用Fitball做既動作
我大肚之前有學過下yoga
我大肚時夠三個月就跟coffee做正常練下半身嘅yoga
同埋六個月左右就用埋托腹帶
成個孕期又真係冇試過腰痛果d
如果想安全d一日行20-30分鐘或踩健身單車都係好方法
Fit ball 聽落其實好危險，un 下 un，如果冇人喺隔離睇住，真係好似好危險，我情願落樓下公園跟d 阿婆 fing 下隻手好似仲安全