兩年前開始喺某村租田種菜自己食，每次都做到滿頭大汗，同附近嘅農友大大聲講野講笑，又種d無農藥無化肥嘅菜。
可能因為keep住多運動，心情又開朗，d菜又好食又健康，原本困擾咗好多年嘅哮喘無再發作，身體好咗好多，講野好有中氣。 哈哈~
14個讚
依家種緊南瓜同粟米，望住佢地成長都好開心
仲有潺菜、蕃薯葉、田七、合掌瓜、蘿蔔、辣椒、水瓜、青瓜…
自己種過先發現自己種果d特別甜，剛剛喺田攞出黎嘅薑係有一種獨特嘅清香，街市買果d唔會有。
2個讚
夏天就到啦，你會開始種什麼?
我都係屯門租田種瓜。種菜。好好玩。
種豆角。青瓜。節瓜。冬瓜
呢個時侯會種瓜種豆，菜比較難種。等夏天完咗先再種菜
我棵合掌瓜好多花，隔日唔去又長出大大塊新葉，真係好鬼可愛。遲d應該有好收成
你地用咩肥料? 我用外國製過嘅牛屎肥。其他人用雞屎肥，聽講雞屎肥嘅營養高幾倍，但我頂唔順陣味，所以會密d落肥，補返條數。
有時明明無種嘅野，塊田會無啦啦標出黎，好有驚喜
我冇特別去買肥，好大味呀，淨係用洗米水淋下。我有自製肥料，即係將d菜頭菜尾、蔬果皮、蛋殼之類嘅野(一定唔可以有肉)放入一個肥料箱入面，等佢自己變成肥料，加入花泥種野。我種左芋頭、䉀、蔥、蕃薯葉同埋冬瓜。
1個讚
我用粒粒肥同雞屎肥。發酵過無味呀。重菜真係好肥嫁。
多謝分享
勁啊！
好叻呀你哋
種菜順便行山，真係好舖服