前兩日，有個客問我，佢有兩份人壽儲蓄，已供完，想取消，問我意見，當然第一時間問佢，有無人壽需要先，佢話無，跟住當然拎最新嘅annual statement睇下，睇完諗都唔駛諗，取消拎錢。
一份23年嘅單，其回報只係每年1.4左右，比定期好少少
問題出係邊，就係不停轉名嘅公司
老實講人壽要死左先發揮到作用，至於儲錢我就覺得要儲咁耐仲要只拎番成本，咁拎番嚿錢都追唔到通脹喎
人壽唔係為自己買，而係為你愛嘅人買，打開報紙，間唔中就話咩咩意外失走家庭支柱，人壽正正係避免呢D事發生。
雖然我講過保險唔係講回報，但呢份真係好差
1個讚
要投資回報我唔會揀保險，萬一出事賠錢又少，回報又唔係高。我可放落保險的錢唔多，想摃杆大就係冇儲蓄保險。我覺得買保險就好似同保險公司對賭，睇下保險公司贏錢定我贏命。
賠得少因爲買得少，而人壽儲蓄回報可以話係穩定，一般都有每年3-4%回報，係呢份差，想要回報穩定而又高嘅，無工具做到回報，風險，露活性掛鉤。
活期，浮動利息，無保証，露活性高
定期，保證利息，保證，無露活性
股價，浮動回報，可反蝕，無保證，露活性中間
另外留意係無儲蓄性人壽保障唔會終身，往往係最有需要時就無咗，保險係因人而異，一定要按自己需求而定
都唔關轉唔轉公司事，根本個紅利係一早俾左你睇。我唔覺得會轉公司紅利個part就少左bor…
會有一定影響，因為當公司賣盤，兩者投資取向唔同，會影響保單紅利，倒如原本公司投資較進取，回報預期會高，但賣盤後，新公司可能較保守，咁相對回報就會下降，另外賣得盤都多數因爲財政問題，而呢間公司，聽聞試過幾年無派紅利
20幾年前嘅單，無蝕當賺。