我仔而家歲半，trouble two, 好曳，又霸道，專注力低，成日扭計，一唔順意就出手打人，我地會話佢，鬧佢，但佢好似聽唔明咁，會嘻皮笑臉，
真係要勁大聲鬧破喉嚨（個聲量大到鄰居都聽到）佢至知驚話：“知，知，知！”
我老公會打佢patpat，喊完又繼續曳
我媽話我地打patpat打到喊好殘忍。所以而家成日同佢講道理，佢又聽唔明，唔知點教導佢！
1個讚
最惡時我會唔講嘢，既嚇下個女，又可以防止我嬲過頭講錯野收唔返。
1個讚
唔出聲，唔回應佢，反而佢地勁驚
1個讚
試過發脾氣勁喊 失控，後嚟收咗聲 我迫佢繼續喊，問佢做咩唔喊 即刻喊，佢先笑返 話自己唔再喊同發脾氣
打pat pat、大聲駡、唔理佢，雖然每次都覺得自己可以再冷靜少少，唔需要咁做，自己管理情緒仲有很大改進空間。
我試過鬧到我大仔（當時3歲），我家姐話都唔知佢係咪你個仔嚟!
而家諗諗下都成日好後悔
我都係大大聲真係好大聲 嗌到聲沙 之後嗌到我自己喊 我女喊 我行埋一邊 我女想行過黎又唔敢 兩個喊 對望一陣我身手叫佢過嚟抱抱我女就過黎 之後佢攬翻我 再講道理
3個讚
最好唔好打，小朋友唔會記得點解你打佢，只記得自己俾人打，會衍生其他行為問題。先得兩歲，幾時打得大。
假設做了頑皮事，先捉住佢雙手，望住佢對眼，如果佢唔望你，你就一隻手捉住佢雙手，一隻手捧住佢既頭，唔駛出聲，直到有眼神接觸先教佢。任何想佢聽既重要說話，都要有眼神接觸才講，小朋友很聰明，會故意裝聽不到。
希望幫到你。
7個讚
我發覺bb每次做衰野之後就扮冇野避開我
下次試下你呢招先！
打過幾次，真係嬲到癲，想煎佢幾巴，所以改打pat pat 無咁傷
大仔三歲左右，最惡只係試過喺街大聲喝佢
打手板
打手板， 不過打完要做好多嘢嘅。 因為如果淨係打同鬧，佢會記得負面嘅情緒，爹哋媽咪只會打佢，唔喜歡佢。
打完之後我要解釋點解要打佢， 又要叫佢洗手等佢隻手冇咁熱， 舒緩痛楚， 然後又再解釋 點解要舒緩痛楚因為daddy媽咪其實好錫你。 打bb真係迫不得已… 總之打完佢就好多時候功夫要做啦
會比warning先,再唔聽就惡鬧
自己匿埋嬲，好低能
點嬲都唔可以打。因為你打，小朋友大啲就會識還手，然後每次一遇到唔順自己意嘅野或者有負面情緒，就好自然咁打人，就模仿左你。就算佢控制自己唔打人，佢亦可能有其他唔好嘅發洩情緒行為，例如 dum 野，掃檯。
管教小朋友一定要佢眼神望住你，自己聲線要調低，沉靜果斷。你唔冷靜就輸左呢一個 “關卡”。
1個讚
我唔贊成打.
真係好嬲嘅時候, 我哋唔出聲唔理佢, 唔俾任何反應. 佢驚嘅時候就會過嚟, 到時候再同佢講發生乜嘢事. 當然一定會再犯, 會先同佢講, 不停講唔聽又係唔理佢.用咗七八年, 仍然好work
最惡真係好大聲鬧，亦都有打手，打pat pat ，打收到最快停止曵的行為成效，但唔持久。
到第二個出世就無打過小朋友，佢哋一曵就唔理佢，或者叫乖緊嗰一個去話佢知你唔可以咁做（例如跑，出街唔拖住我），久而久之佢哋互相監察，我都唔使出口同出手。