大家點揀?
留名想知， 之前睇話八大只可以八揀一，真唔真？
其實間間都有d特色，睇你想要乜
我女大抽獎嗰時係40網，但讀完小一走咗
睇你敢唔敢搏囉，一般來講係㗎
介唔介意分享你囡之前讀邊間？同埋有咩考量？
邊間就唔好講喇，因為我既考慮太簡單
主要係學校升中派位個情況同埋宗教
而我要就老人家湊放學，要跨區，所以另一重點係要近地鐵站，交通方便
但40校網既學校一般來講升中唔會太差既，尤其係女仔。我估到個女升中我都有機會跨返過來 
如果真係完全唔識D學校，真係要去了解吓，我當日對間學校了解真係好皮毛，連開放日都冇去過(其實係間學校當年頹到冇搞)。不過我當日係接近冇選擇，又已經派到乙一，所以就諗住試吓先。
同埋填嗰時我會建議望清楚學校叩門既要求，有D係有揀就有得叩，有D係要排乙一先有得叩，所以呢個都要搞清楚
我就因為咁，冇搞清楚，然後就呻笨。(雖然其實我哋係冇叩門既)
我填荔天，協和，瑪神頭三位，適合嗎?
你咁樣填好似太博因為頭三間入唔到，有機會派左去好後甚至你無講過嘅學校，你有冇set 保險線？
其實呢三間是否很多人爭?
有冇了解過個派位機制係點呢？
其實係咁架。。。
電腦會派哂所有第一志願先，按你抽到既先後次序，如果間學校有十個位，有十二個人揀呢間係第一志願，就會派哂D位俾前十個人，揀呢間做第二志願既話，係唔會有位入既
而你揀嗰三間，基本上第一志揀既人都多過本身有既學位，即係你揀第二志願，或者更後既志願，基本上係冇用既
瑪神仲少位過荔天，但我估揀瑪神既人仲多過荔天，所以你要諗定有咩學校可以放做保險線
我嗰時第二已經係放善導，因為其實我識好多人放第二入到。呢間學校校舍舊啫，但其實谷起上來同荔天都差唔多，你可以了解吓。其實係要搵吓有冇呢類學校，放第二都可以入到，但教學質素各方面都唔差，而你又接受得到既。
如果你心儀荔天，派唔到係諗住會叩門，今年就睇定佢叩門要D乜，因為佢叩門淨係份form都煩到喊。
呢三間就係啲人講八大其中三間大熱，真係大部分一會放乙一
可否講講呢三間有咩好? 點解咁多人爭?
協和各方面平均(學術/課外活動)，不過英文程度不及荔天/開平
我就幫個女揀左三條一旅小，6月6日等派位，好緊張
40網都算平分秋色, 有4間比較熱門, 但二線都幾多選擇
N年前都識朋友叩到協和, 荔天, 聖多馬, 聖紀文呢D
自殺式填表。乙一都大把人唔中，點會輪到你？除非你私校 backup 任玩。
旅小、荔天、協和、瑪神、嘉靈、愛德、基福係必須乙一，不可能乙二。
聖安德烈、聖多馬、聖紀文、大坑東宣道、善導乙二有人中但肯定唔會多。善導升中唔差，年年進步，所以躋身一線唔係唔可能。
所以正常排應該係：乙一 嗰 7 間，乙二 三聖/大坑東/善導，乙三基愛，之後就係寶校自助餐。咁寶校當中深官應該係最好，預佢 150 人大概 10-20 個入到 Band 1。福官就可能 5 個都冇。
深水埗陸續有新屋成立，競爭只會越來越大，不過 40 已經算易填，有啲區所有學校都係乙一入唔曬，唔中就直飛寶校/他區。
我見白田天主教呢幾年都好進取，而且新校校舍好靚，交通都算方便，其實都可以了解吓
1個讚
進取亦需要實際升中業績。的確係有進步，多左人跨區，但佢冇實際數字，而且冇人考直資，所以佢 Band 1% 應該 20%-30% 呢個位。咁唯有繼續睇埋呢兩三年表現。
少人揀佢原因係本身校舍舊又細 (仲未搬)，唔近地鐵站，校車選擇唔多，主要係白田，住長沙灣荔枝角學生好麻煩。佢搬到去東京街幾年後就應該熱門啲。
但如果係想乙一又谷讀書，咁善導都可以了，善導一直升緊，Band 1% 19 年都有 44%。
其他冇咁熱門嘅學校都好大問題係冇校車/路線少，吸引唔到家長讀，有叩門能力嘅都即刻走。