囝剛剛中一
停課之後日日在家上網打機
一個月後學校開始在e class send 欠功課report 比我
第一次收⋯⋯欠12樣功課，嬲到震
咁我就開始個個星期check 佢嘅錯漏大話日日新鮮，只求hea 完我可以繼續打機
- 可以五頁紙只做頭一版就交
- 可以做左，但忘記send email 比老師交
- 可以完全冇交，跟著講大話話電腦壞咗所以冇紀錄
哎⋯⋯可能大家覺得好小事，但我真係好激氣
12、13歲自制能力未必好好，遇到打機咁大誘惑，真係乜嘢功課都唔記得。
責任感要自細培養，父母有冇灌輸過比佢先？除左自己執房，執書包呢類對自己負責任既基本野，仲有幫手做家務、煮飯買餸、照顧家人呢類對屋企負責既行為，全部都可以培養責任感。
依家既小朋友樣樣有大人安排，少咗落手處理返自己野既機會，點會知乜係責任。中一同佢講道理會明既，係唔知聽唔聽入耳啫。試吓日常生活中搵返d野要佢負責，train up返佢責任感先？
4個讚
12,13歲真係好尷尬嘅年紀, 我大女都就黎12歲, 好多時都會好多磨擦, 但要慢慢調整一個大家都接受嘅方式。
如果父母長期都好放鬆, 任佢打機, 可能佢就會覺得哩樣嘢係必然嘅, 而且會影響生活作息時間。如果用高壓方式, 收起曬佢嘅遊戲機, 可能更加適得其反。不如試下, 抽個時間坐低傾下, 了解下佢對於自己學業, 對將來嘅期望, 再一齊商量一個比較合適嘅時間表？例如每日都做起碼2份功課？完成咗先打一小時機？俾多少少具體嘅指引同要求。如果佢都唔願意聽, 再加少少感性, 例如解釋下父母點解想佢咁樣做, 父母合理嘅期望係乜嘢？
另一方面, 要了解下hea做功課, 講大話嘅源頭, 先可以解決問題。嘗試了解下仔仔係做功課上面係咪遇到乜嘢困難, 係無興趣唔想做, 定抑或真係比較深, 要花好多時間做, 做嘅時候覺得有挫敗感？如果係後者, 父母多啲陪伴, 鼓勵比責備更有效。 或者同老師溝通下, 可以點樣幫助佢適應中學嘅課程。 如果係前者, 多啲嘗試站係佢地角度出發去諗, 例如「係喎, 你玩緊嘅哩個遊戲真係好吸引, 你可以玩到咁叻, 不如教埋我一齊玩？」繼而引導佢, 「其實哩啲(遊戲入面)任務都難你唔到, 我相信你嘅功課都有能力處理好, 不如你你又做一份好勁嘅功課出黎？」
除此, 安排多少少任務俾佢, 一齊參與家庭嘅事情, 做下家務, 等佢慢慢習慣返家庭唔同崗位都有唔同責任。最重要, 父母要身教, 以身作則, 唔好一方面要求佢做好所有嘢, 但自己又顧住玩手機。
教養嘅過程, 可能會經歷好多錯敗, 我都嚐過好多苦頭, 每個小朋友嘅個性都唔同, 無話一個方式可以解決所有問題。 由小學升上中學, 第一年嘅適應期, 學習模式嘅轉變係比較大, 偏偏今年中一生停課咁耐, 其實都好慘。最重要, 父母都係愛錫小朋友嘅, 媽媽都要處理好自己嘅情緒, 慢慢培養返小朋友良好嘅作息時間, 加油啊！
7個讚
好多謝你嘅回覆，其實疫情令大家都好唔開心，公司又不斷炒人，返到屋企我覺得自已在外面咁辛苦，仔只係玩小小自己的責任都冇做好唔生性，但睇到你咁講，安慰我，我心舒服了很多，thanks
多謝你，睇完你的説話，可能我停課初期真的放得太鬆，但當時大家心情都好差，好無助⋯⋯
我嘅方法好好，我會試吓搵機會心平氣和坐低慢慢傾吓
佢功課冇問題，一定識做，係懶，
問佢點解求其答我，佢話因為佢想快啲打機
多謝你，我一路睇一路想喊⋯⋯
老公就係唔理，日日放工就打機，我好無助⋯⋯
成日話個仔自己唔著緊由得佢大個受番
我已經冇人傾訴，
有你回覆我心舒服了很多，我會努力架
打機好吸引，越唔畀打就越大引誘。沒收遊戲機，佢只會唔領情，亦唔會有改善。
不過要諗下佢唔交功課嘅源頭。唔識做？停課所以鬆懈，搞到冇動力做功課？
如果唔識做，咁就快啲搵老師幫忙。如果係因為 pea 左個人，咁就要畀返個推動力佢，例如早上起身做運動、有家務，做完自己責任先可以自由活動。要一家人都一齊做，C6 唔理都要迫佢理，起碼都唔好咁明顯，做下樣畀仔仔，唔教功課都起碼洗下碗。「由得佢大個受番」係好唔負責任嘅說話，如果係咁，咁老師、社工都唔需要存在，直接有監獄就得。父母責任係幫忙建立良好生活習慣同態度，所以不論爸爸媽媽，都一定要一齊出力。
多輔導、讚賞、了解，用小朋友角度去諗野，甚至佢打咩遊戲你都玩埋一份、功課亦一齊陪做，咁你就可以明白佢更多。父親係一個好重要嘅角色，研究都發現，如果父親角色做得差，小朋友行差踏錯機會更高。
重點一定要同仔仔講「我想幫你爭取多啲時間打機，所以我地依家要一齊努力去完成功課，遊戲時遊戲，學習時學習，不論做任何野都要盡力完成！」
3個讚
同路人, 但好在我一發脾氣, 鵝幾日野, 佢會聽
但成日都要提住佢.
如果仔仔課業可以處理到, 都少咗一個煩惱。著眼點就放返係點樣重新建立番佢嘅上進心, 趁仲係中一, 改善學習模式, 對第日升上高中都好重要。
無乜人天生識得做父母, 包括我自己。就算睇好多教養書, 係咪適用於自己小朋友身上呢？實踐嘅過程有困難, 可能都會自責, 好灰想放棄。我當時有搵社工幫手解決問題, 最值得欣賞係你唔會諗埋一邊, 有踏出哩步去改變, 有正視個問題, 可能有啲人真係會由得個小朋友大個自己承受番。所以, 仔仔打機嘅問題, 唔好視為洪水猛獸, 如果佢願意去作出改變, 不論多少, 都要俾多啲肯定同鼓勵啊。
相比起仔仔, 我比較擔心先生嘅行為。小朋友好容易有樣學樣, 模仿大人, 顧住打機乜都唔理, 其實仔仔都會受佢影響。覺得同仔仔傾之前, 首先要處理咗先生嘅行為先。兩父子要傾偈, 又一樣鍾意打機, 相比起媽媽界入其實應該更加容易。 要請爸爸樹立好榜樣, 做好自己父親嘅角色。我當時請社工幫手, 都有叫爸爸一齊參與, 只靠自己而另一半唔做好, 其實好難執行。佢講話由得仔仔自己受番, 希望只係悔氣說話。
要處理家務, 又要教養小朋友, 然後另一半又懶理, 聽到都覺得好大壓力, 久唔久都要比自己放鬆一下啊。
1個讚
大家加入，剛返工前也醒了個仔兩句，因為zoom 佢上堂不專心，好勞氣！不過我個仔是小二。
我個仔讀私校
在這經濟環境，個個月一萬元online 上堂
真心肉赤…
佢唔專心，更嬲！
不過男仔都是這樣，我也不應該把自己的壓力發洩在他身上！
他們的心玩“創”了，是十分正常，調轉來看，我們VC 也不是太專心，工作效率也低了些！
大家忍耐下，加油！
明白依家疫情會影響到大家心情，作為屋企既大人，呢個時候就係展示身教既時機。同阿仔講下屋企難處，你面對既困難。已經中學生，要知道同屋企分擔，要學識珍惜仲有書讀、仲有人養，要知道自己都要為屋企承擔更多責任！
加油呀媽媽
其實我都好想知用乜嘢方法可以令佢有上進心，至少都希望佢著緊小小自己嘅學業
佢聰明但大意⋯⋯
你提佢佢就做，
但務求交功課，hea 做，
唔提就唔記得做！從不自動自覺
你話之後會check 就會做得好D，
成日好似看犯人咁，好累
Thanks 
大家一齊加油
大家好有愛
你試下問下佢有咩解決既方法 叫佢話返俾你知
每樣欠交既功課都罰 罰咩就要用佢傾 要佢在意得黎 又唔會傷害到佢既 罰無得打機係幾好既選擇
同病相憐
仔真係惡教
加油
早期停課我都遇到差不多的問題，期後我同佢訂立規則，要佢每日完成4樣實體功課＋1至2樣網上功課先可以打機45分鐘，當然功課不可以錯太多，hea做就要扣當天打機時間。另外，要講比佢知佢呢個年紀要負起什麼責任，例如學業上要有一啲目標，在家中除咗處理好自己的事，更要幫忙處理家務等等。
12，13歲男仔真係唔鬧得唔哦得好麻煩，要當佢係大人咁正正經經坐定係到傾先得。