有人有經驗嗎？徵求意見。想參考下。
我都想知道， 同埋住頂樓定係住地下比較好。 嚟緊打算搬入個村屋住
我知道有啲 單位要睇下有冇入積花園或者車位， 又或者有冇伸報玻璃屋
村屋按揭成數好似無私樓咁高，最好搵專做村屋買賣既律師問吓，因為好多細節同普通樓唔同
我爭係知頂樓比較熱同要留意天台有冇漏水，我自己比較鐘意頂樓連天台，不過呢啲係個人喜好，如果屋企有老人家行幾層樓可能辛苦啲
係咪熱到夏天真係要長期24小時開冷氣嗰種？
我以前都有睇過村屋…好似有 d係冇sewage… 要定期吸糞… 不過廁所同普通個d一樣, 表面睇唔會知, 要問清楚… 同埋有d因為係細公司起, 用料好參差…可能會多維修問題…我個fd做設計工程，佢話有個村屋一年做左3,4次維修…本身廁所防水做得差, 天台防水&d磚…漏水個d好煩…
我住村, 算係原居民.
如果揸車既, 搵到車到屋前都未必係好事.
必須要CHECK 清楚條車路係邊個, 如果係政府就最好.
如果係私人, 咁你真係要好小心.
D 鄉下佬, 窮起上黎要搵錢, 話封你路就封你路.
新既, 全部要駁政府排污渠.
舊既, 都有限期要改裝, 但有幾多改左未改就真係唔知~
未改既, 要定期吸糞, 個TOILET 的確幾乾淨都好, 都會有味.
- 睇下有無滿意紙, certificate of exemption on site formation, drainage, building works;
- 有無特別嘅 right of way, easement 先入到屋;
- 有無側窗限制/側窗紙;
- 買邊層, 天台有無搭建物;
- 分層未? 有dmc? 邊個負責管理?
1個讚
想問下買村屋係咪淨係買間屋？塊地唔計？ 
香港除左Saint John’s Cathedral 幅地, 所有地都係leasehold
1個讚
即係啲原居民起左樓、賣左、嗰塊地以後就唔關佢事
地幾時都係政府嘅, 比條件你起樓自住, 但如果要賣都要補地價攞CONSENT
哦～咁補地價買左樓，第時可唔可以自己拆樓再起？我問下啫 
唔該曬
村屋要起樓一般有BUILDING LICENCE/攞EXEMPTION, 你要重建都要跟地契條款睇下有無限制, 攞過D文件(補錢)
我個師爺同我講. 好多村屋唔齊契架, 搞到買家要撻訂, 所以真係要好小心好小心
1個讚
同嘛村屋涉及既問題太多, 試過有個客同我講朝早起身, 大門俾幾個私家車圍, 返唔到工…
1個讚
咁可唔可以要齊契先落訂？
我會避免買全新村屋。
因為 冇人睇過契。唔知做唔做到按揭