而家第一次政府醫院安排去檢查巳經要十二週，第一次就係去度頭皮。係咪因為疫情關係所以減少啲檢查呢？
我巳經一有左第五週拎左懷孕證明就即刻去廣華排期。
政府第一次產檢就係11-13週去照OSCAR~
如果想早D檢查下BB有冇心跳, 可以等8週左右去私家照超聲波啊 
無關係，不嬲要咁耐
而且無特別事超聲波都無得照（除左度頸皮）
經濟許可就揾私家照
冇記錯，7年前，
交完信好快第一次產檢見護士，度高磅重抽血，俾啲覆診期我。
12週Oscar
廿幾週結構(唔記得)
之後27定28週(接近30週)先第一次見醫生
政府無因為疫情而減少基本同一定要做嘅產檢， 我喺政府度生二寶。 政府重擔心個胎有問題飲咗兩次糖水又有照超聲波
我都係 8wk入紙排期，12wk Oscar 度頸皮同抽血，之後就19wk第一次見醫生。
跟住正常會4星期一次產檢，冇特別問題唔會安排照結構，所以得第一次oscar有得照超聲波。
我兩年前都係安排喺12w去度頸皮，不過去到度唔到，話bb size細，要等多一星期再去就度到。
其實正常喎, 我舊年去廣華都係咁
但政府産檢都係量血壓、磅重、檢小便、聽BB心跳、度肚, 想見BB都係要去私家㗎
咁好政府有得照埋結構，我見唔係個個都會幫你照，唔知咩準則
高齡好似一定有
我係高齡所以有幫我排期, 但我冇去, 去私家就算, 之後産檢再俾報告醫生睇
我有book 到私家，但誇張到十七週先安排到第一次產檢 XD（我都係四，五週一知道有左就打電話book)
點解唔去政府照結構嘅？驚唔夠仔細？
私家同政府撞期, 照結構又有時限, 就2選其1算喇
我生個陣2x歲，可能岩岩有位，
不過我冇去，cancel左。
同你一樣去私家做
個個都唔去致府照結構，等我仲諗住如果政府幫我照，我就唔去私家，諗住慳返少少
1個讚
唔關疫情事，係要3個月先有第一次產檢
有啲人係兩邊都去照
總有啲人照完政府硬係唔安心
正常，政府檢查好流，我去都係諗住當放日假，好嘥時間
等好耐，睇幾分鐘又唔會照
[quote="rokugatsu, post:18, topic:16072, full:true"]
正常，政府檢查好流，我去都係諗住當放日假，好嘥時間
等好耐，睇幾分鐘又唔會照
[/quote]
係呀～佢俾咩時間就要咩時間，因為佢啲時間好full~
有冇試過話佢俾嗰日唔得，要揀第二日？唔知會唔會好麻煩？
排到梗係去公立照啦。我都係公立排到照，慳返唔少
。
係公立照，我覺得都好仔細呀。萬一照到有事，之後再由公立跟進都方便啲
個人睇法