唔好意思，我對國際學校認識好少，可能我個問題有啲蠢，請見諒！
我身邊有朋友讀本地私幼，k3考直私零offer, （可能佢小朋友性格唔適合傳統學校），臨急臨忙報CAIS, 得左。
佢比左意見我，叫我報定，求個安心。
但我小朋友係讀津幼，我好猶豫，「半途出家」會有機會考到嗎？咁樣轉法，當中有咩要考慮呢？
另外，有邊幾間國際學校會相對容易考及可以中途插班？如果完了本地k3, 轉過去仲洗唔洗入預備班？
請問有冇過來人可分享下，謝謝
1個讚
考國際最緊要英文流利，講緊低年班。你朋友個小朋友讀私幼，可能又好多外補，所以英文流利。
1個讚
傳統學校轉去國際學校容易適應，但如果第日想傳番傳統學校就好辛苦，所以諗清楚係咪以後都讀國際學校，同埋有冇諗住移民，如果有最好揀一間你將來打算移民既國家可以銜接既，咁就對小朋友容易好多
2個讚
主要係考英文能力。學校冇語境可能就要請個NET上門，睇多D英文卡通，同伴讀。
我都聽聞不少人當CAIS做考唔到本地小學嘅後備，多年歷史嘅國際學校會相對難啲，有D新校，如Malvern, Shrewsbury, Wycombe Abbey 你可打去問下。前兩者都開始受歡迎了，後者較新估計較易。仲有Stamford American 好似易入，和保良局建造商會也頗新和冇中學所以會易，學費亦較親民。
讀咩grade就跟年齡。
1個讚
津幼同私幼唔係IS 收生重點，最重要係英文水平，同有冇外國passport.
有部分IS 係無 ESL, English as Secondary Language Support, 所以英文聽唔明教唔到。
大部分IS 有收生比例，如70% 外國護照 ：30% 本地學生。所以有passport 入到機會大啲。
如果無心入，只為backup 唔多贊成，因為淨報名費每間至少二千，報四五間已經過萬。而且比較well established 唔易入，如果你朋友無外國passport入到CAIS 好幸運，我朋友無passport wait 左三年都無位。
而且當有offer 要立即比埋debenture, 以CAIS 為例要比 56萬，退學可以攞返，但都要比15% 手續費。
只為Back up 而考國際，成本太高唔值得。考多幾間直私實際啲。除非一心想讀國際學校。
如果相對易入既非本地課程學校，可以考慮CAPCL , 呢間係新開，同CAIS 同一教育團體，無passport 限制，但要留意無中學。
YMCA 新會港青基信，無passport 限制，因為佢由G1 收，所以多位。聯系中學係東涌。
其他國際大部分由本地K2 開始收生，本地K 3 係 IS year 1. 所以K3 畢業考插班入year 2比較難, 因為位少。
3個讚
多謝各位的意見同分享! 獲益良多! 
認同
不要為考而考，IS係另一個世界，學費年年加，英文要好，中文如果你唔代額外資源出去補注定會失望（如果有期望）。local轉IS易但IS轉local難，基本上真係不歸路。我身邊真係有家長一自讀一自怨，既唔接受唔谷中文差hea上堂，但又轉唔返去local。
考學校真係睇小朋友性格資質經濟能力，缺一不可的。
我有兩個小朋友，一個讀國際，一個讀本地傳統私校，各有各好。好老土講，沒有最好既學校，合適既學校係最好。
我朋友個細路K2由私幼轉CAIS成功銜接，但佢仔英文好好讀閱讀能力強，家長本地人但講英文冇問題，佢哋一早打算大個去外國讀，所以轉IS只係遲早問題
樓上講得啱，大過啲時IS轉local比較難，要考慮吓中小學甚至之後嘅打算