因為BB係意外有咗 同老公都係月光族 
所以我哋兩個生咗都要繼續返工 大家都冇四大長老湊 所以過完70日產假 返工9-6就將BB放喺朋友媽咪既好友屋企湊 不過都係當一般保母咁家訪左先再傾價錢 想知應該要點問佢識唔識湊BB 同埋洗唔洗雙方制定合約？
1個讚
我系你，我會立即去社福機構配對社區保姆。你話朋友既媽咪既朋友，如果價錢太貴or個保母湊得唔好，你無得say，因為怕傷感情(個人見解，唔好介意)
你宜家去報育嬰院，再去社區保母。
價錢你預5000蚊一個月，不過佢未必會幫bb冲涼，到時候辛苦你地
PS過來人
小朋友都12歲了
4個讚
你朋友媽咪嘅好友本身有冇湊小朋友經驗？你打算個BB放喺佢度湊定點？
我係，當年在亡國搵，先電話聯絡，再上佢家睇環境，了解佢家庭背景，先生職業穩定，佢對小朋友有禮，一拍即合，我坐月時，保母到我家湊下B(我餵人奶），幫BB沖涼等等，已經睇到佢好喜歡BB,亦如佢所講，湊開BB。
坐完月我返工，每日早上我湊BB去保母家，放工我去接返…眨吓眼，10年了，仍然湊緊，但只係幫我接放學，睇到我放工回家。無合約，口頭承諾。保母一家當自己仔咁錫。
8個讚
其實你可以試吓問吓看更，佢哋不嬲都係天文台，我之前就係問看更，我知我樓上有做開褓母湊小朋友，跟著同褓母見，我媽又幫手又八下其他街坊，口碑唔錯，所以一拍即合，大家都講過信字，冇合約㗎。我大女由陪月湊完就比姨姨褓母湊，湊到3歲先比返工人湊，由於褓母姨姨住樓上，接送B極度方便，依家我大女7歲半，褓姆姨姨一家當我個女好似自己個女咁鍚，因為佢生2個都係仔。
當然，要講口碑：遇到好就好，唔好就真係會面左左。
1個讚
我朋友嗰陣又係唔小心搞大左個肚 佢媽咪唔係好識湊 就搵咗呢個EE過嚟教佢沖涼照顧BB個啲 只不過過咗咁耐 而家我有左 朋友醒起我要人幫 話喺出邊搵個三唔識七 不如搵個都識嘅 幫我問過呢個EE嘅意願都願意湊 就諗住試吓囉
我係請工人，用既錢差唔多，有多個人幫手打理屋企，父母亦冇咁辛苦，可以同bb玩。
當然都係撞手神啦。
2個讚
我係，不過講緊十幾廿年前，因為我唔想屋企多個人，所以請保姆，每朝我返工前佢上嚟，我收工佢就收工
1個讚
同6299住 佢哋唔鍾意屋企多個人
當年放完產假，我個小朋友都係放喺媬母度湊，到而家讀小學都仍然湊緊。搵一個有經驗嘅媬母湊，要考慮吓幾個因素。係咪你屋企附近、又要大家夾度合眼緣…請媬母價錢湊其實係會比請個工人姐姐仲貴d。除非你唔喜歡有個人係屋企，咁搵媬母湊會合適，如果唔係，屋企係可以有地方容納多一個工人，請工人姐姐都係一個選擇。
1個讚
我第一個保姆在亡國鐘點工人度找，自問準時接，唔挑剔，有買零食比佢小朋友，但只湊咗1個月，就話屋企有事，第二天開始唔湊，當時好大打擊！跟住拿拿聲在亡國再找加上去社區保姆度登記配對，好幸運配到好姨姨。社區保姆時薪計，有需要還可申請減費，政府幫你出，費用視乎地區，我區$20
點先可以搵到社區保姆
不同地區由不同組織提供保姆服務，除了上門，還有中心暫托
https://www.swd.gov.hk/tc/index/site_geoinfomap/page_cysmap/sub_nsccpmap/
社會福利暑寶鄰里支援幼兒照顧計劃
1個讚
Hiauntie 你找到保母湊ｂ未？
本人有湊開ｂ，有興趣可聯絡我！
我仔個幾月已經開始跟社區保母湊架喇，湊到返幼稚園。而家我自己湊返，你睇返樓上有po link，可以揀返自己區，社工會幫你做配對。
你好，想請問下大家，第一次請人冇經驗，如果想請保姆ee幫手照顧新生嬰兒同湊小朋友返學放學，買鎹煮飯三餐的話，可以係邊度可以揾呢？或者有好的推薦嗎？