就嚟新居入伙，頭痛緊買乜洗衣機同乾衣機，兩部要分開。
本身想買Miele入門機，但係都要九千幾一部，兩部加埋hkd18000左右。
有朋友同我講叫我考慮bosch，都係歐洲機(9kg個部係德國制)，差唔多價錢但係miele只係入門版而bosch就中階機。而且bosch有個active oxygen function好好用，可以洗公仔同外套。仲有個價錢可能都仲要比miele平。
聽完我都心大心細，之前想買miele因為我知好耐用同部機好靜。
我想問有無人可以俾下意見我。
1個讚
點解要買2部？？我用緊miele2合1wth120,兩公婆,兩bb連工人姐姐（屋企室外無位晾衫）
Miele入門都係不銹鋼外桶,洗衣效果較佳vs bosch中階只贏額外功能較多
因為如果洗衣乾衣機，miele sale話洗一機衫只可以乾半機，佢都話如果有位置分開買係比較好。
我都覺得miele個內膽就算入門機都比bosch好d咁。
其實半機4kg都唔少…除非你懶2日全屋人都唔開一次機洗衫…如果5人家庭左右都ok,開quick power洗連乾2小時36分攪掂,啲衫無over 4kg一定全乾,放一陣凍返就可以入櫃
我未必日日開機，同埋因為我玩巴西柔術，好多衫要洗同埋比較重。而且我希望fully utilise部機，所以決定分開洗衣機同乾衣機買。
其實我個心都係想買bosch多d，主要係active oxygen工能，不過只係想睇下有無人可以分享下用後感。
下個月新屋入伙，我買左bosch 德製 8系臭氧果部。你話 miele個筒有突出蜂巢面設計，其實bosch一樣有類似設計。你話miele洗衫效果較好，大家europe washing performance都係A, 咁點得出m比b好？
最後，看圖，b部機9kg/1400rpm仲静過/慳電過m 7kg級，所以我選出b
1個讚
嚟個資料我都係第一次見。
Miele 通常德國製，用料好，但一壞檢查費好貴。
Bosch 歐洲機，但可能係土耳其，你check 下原產地。
如果計Functional, 我覺得whirlpool series 8 既最抵用。我自己都係洗同乾分開機，日日洗同乾，一般兩三年換一部，所以會揀部平機就算。
Miele用家，非常襟用。
一部洗衣機用左十六年，另一部乾衣機用左十三年。
壞處是，維修費貴。
乾衣機最近才有少少漏水，唔打算再整了，諗住用得就用。
有地方的話分開兩部比較好
因為二合一烘得唔夠乾
而且唔係件件衫可以乾，洗完點都係要花時間㨂返出來
Bosch 未用過，無比較。
It depends as both are very good.
The new Bosch allows you to wash by temperature and by soil type. The 30-minute wash and dry is a great option.
Miele, however, is the next level. It has the most precise dispensing along with the 40 load reservoir. You can wash delicates with their honeycomb drum unlike any other washer/dryer available.
電器耐唔耐用睇運氣，我部miele焗爐，h6860bp係上一代最頂級型號，用左一個星期左右壞照明燈制，要全個控制panel換，仲要等佢兩3個星期由德國運零件過尼。。。
當然我屋企其他miele德製野(電磁爐，蒸爐，吸塵機，燙衫板機) 都好滿意。
今次新屋入伙，我就想試bosch. 因為miele野，好就一定，但我相信其他牌子一樣有出色地方，新屋 bosch德製8系 洗衣機+洗碗機，德製6系島式抽油煙機，強國製8系對門雪櫃(我都好驚訝8系雪櫃係強國製)…
睇過份報告,焗爐,洗碗機買bosch小返修率過Miele,miele只係洗衣機,吸塵機勁
非常認同,各牌子有自己優點,抽油煙機買返富士皇,歐洲牌子唔係佢對手,雪櫃日製樂聲三菱好啲
1個讚
多謝大家唔同嘅意見，我諗我會買Bosch，到時候再同大家分享下。
1個讚
部機送左去新屋，終於第一次用部 bosch 洗衣機(清潔mode), 2個字總結，穩 , 靜。 空機1200 轉過水，一d都唔震，一般運行時，聲都無。。。C兄，你最後買左咩機？
1個讚
最後我都係選擇咗bosch，7月中左右入伙，到時候updtae下大家。
Miele 用家單洗乾2合1都有，唔好買2合1，清潔好麻煩。如果唔用twindos入門洗衣機夠用，我慣性用洗衣粉。一定要買加長保養，我洗乾都用咗大概7年，小問題修理過，如果冇保養維修費嚇屎您。
點解清潔會麻煩？
2合1機內因為要排水唔可以有filter, 每次乾完衣物纖維黐滿膠圈，慘不忍睹，相信排水/氣管道內一樣。因為買比長者用，唔係每機衫之後徹底清理，非常難搞。買機時sales話絕對唔會有以上情況。。。
Miele同西門寺2合1有清絨毛功能，用高壓水清走絨毛，只有膠邊間中用布抹抹就ok,我用咗3年部機都keep到好乾淨