我工人姐姐中意睇超級英雄電影同美劇
我地有間中交流，講下新番邊套好睇咁
或者套戲有幾爛咁，傾落都幾好笑
有無人好似我咁，會同工人姐姐傾啲同佢工作無關嘅嘢？
會傾啲乜架？
2個讚
佢地傾乜咁好傾？ 
2個讚
有，講佢爸爸媽媽、兄弟姊妹，
佢全部兄弟姊妹都喺印尼，
有做嘢但搵錢極少，
無人肯出國打工，
全家靠佢一個，我陪佢一齊鬧吓佢啲姐妹，等佢個心舒服啲
仲有佢見到貓嘅片會叫我一齊睇
同埋講樓下管理員是非
4個讚
有，都會想關心吓佢，不過佢唔算多口嘅人，好少主動講嘢，傾開先會講
1個讚
會呀！
問下佢屋企野
同佢解釋下呢場運動
1個讚
好似唔少姐姐中意保持距離
或者性格問題
嘩！你地傾埋運動，佢有乜反應？
1個讚
我哋關係都係客客氣氣咁，因為第一次請工人，我老公提我小心唔好搞到情同姊妹咁，唔係會好難管理
工人上一個顧主都做咗6年以上，算好識做人，唔會八卦搭嘴或打探我哋嘅事，我哋亦唔太問佢，最多問佢放假玩成點，去邊度玩果啲，而家就會叫佢出門小心，帶spare口罩同消毒用品
2個讚
我諗都要時間，我姐姐今年第5年嘞，先算得上最融洽，頭2年佢都幾保護自己，無乜嘢講，
同埋，真係要對佢關心，佢感受到自然會同我哋更親近。不過有好有唔好，親近咗佢又無咁怕你，叫佢做嘢嗰時無咁威嚴
1個讚
主顧留少少距離都明的
主顧有少少距離都有道理嘅
個人中意平衡少少唔好咁非人性，但都有啲位要做番顧主樣
咁大家容易夾啲
同一屋簷下，真係咩都會傾，包括中國既黑材料
1個讚
我都係咩都傾下，佢成日出完街就有八卦野講下，有啲都幾好笑
1個讚
我會⋯⋯乜嘢都傾，
我姐姐幫你打工十二年了，根本係一家人
1個讚
我都會同姐姐傾計，真係乜都傾，大家家人的事、整野食、仔女管教、行街買野，化妝扮靚…真係乜都有得傾
1個讚
有呀
我上一個菲姐姐喺我親戚家做左十幾年，湊大兩個細路，後來我親戚移民佢先轉來我度做，因為之前喺親戚度做時已經識，佢好多嘢講，咩都傾一餐，佢自己屋企嘅嘢，佢個女嘅嘢，我哋親戚嘅嘢，等等等等，後來我奶奶來我度住，佢同我奶奶唔啱，約滿就冇做了
之後嗰個印姐姐，又係多嘢講，佢兩個細路咁啱同我兩個一樣年紀，好多細路嘅嘢傾，又講佢老公如何不堪，兄弟有淨係想榨乾佢嘅錢，等等，佢又鍾意整野食，我有時網上見到有新菜式，就同佢一齊睇，之後我去買材料，返來一齊試整
2個讚
會，我家姐姐非常好，做咗超過10年了，真係好好彩有呢個姐姐
我家姐姐勁中意oppa，勁煲劇
1個讚
只係解釋俾佢知，因為佢初初到香港，睇電視見到咁多popo好驚
佢既反應都只係 哦！ my god! 咁囉
無咩特別
1個讚
工人個女6個月大就來我度打工, 第4張約了.
我都會同佢傾計, 講吓男人D衰嘢, 小朋友方面, 佢退休大計, 佢起屋大計, 唔好俾晒D錢屋企人要留D俾自己.
工人都會主動同我地講, 好嘅唔好嘅都會講.
1個讚
會架，絕對會傾。
大家屋企人嘅野、興奮、社會運動、扮靚。而且我仲會教佢護理皮膚化妝。真係咩都可以傾
1個讚
我都係傾呢啲佢仲叫我移民去Bali開間民宿再請佢打工
1個讚