唔知呢到有無做手工皂愛好者同達人呢﹖
想問下大家會去邊到入原材料多，最近想去台灣順億直接入貨黎，但一諗到運費好貴仲要畀SF 賺有D 卻步，但唔計運費真係平過係香港買好多……
歡迎大家一齊傾手工皂~
1個讚
曾經沉迷過，但唔叻。
6至7月整，秋天就用得了。
我係番皂愛好者，好想學整！
我每年開壇整一次俾自己用
油係iherb買
naoh香港d化工店
其實好簡單，感覺好似整蛋糕咁，唯一真係要好花時間~
我自學跟書做家事皂先，椰子油+橄欖油+Naoh+水已經可以做到~ 加油！
我都唔係好叻，仲要自己亂咁做配方XD
我差唔多用晒就會整定，秋天整冬天皂, 冬天整春夏用嘅皂~
洗頭沖涼同家事皂都全部自己整晒~
之前都有係Iherb 買油，但通常都好細支，我成日整想買大支裝嘅油品
Naoh 都係手工皂材料店買~
我淨係自己用
細細支都ok (我係計左配方、預好會用幾多再買料)
好唔講究外表，cut到舊舊都不規則形
因為我做大量，畀埋另一半用，所以想搵D 大支少少嘅~
切皂黎講我都係切到斜晒~
我自己會去牛頭角的DIYBEAUTY買，間舖勁多油款，價錢實惠。
我係石門買料. 好齊又平.
佢可以上網ORDER 同上門買的
素油皂坊
因皮膚唔好, 用左都幾好. 甘就KEEP住整了.
因香港太濕,都係差不多無先再整.
我都有係素油到買，都係幾平嘅~ 但佢唔包運費，所以有時可能運費仲貴過油
多謝你推介，原來呢到有好多罕有油品，等我Bookmark 左佢先~
(雖然唔知點解佢個網產品價格係寫人仔~)
Hello
我19年開始搵老師學打皂
材料主要台灣買但 順豐愈來愈貴
大家有冇用手工皂洗頭?
我用左幾個月, 最難頂開頭幾星期過渡期, 但脫髮少左。
我覺得頭皮健康左
不過頭髮乾
如果用左醋做過水又油左d
可能我冇特別整個洗頭嘅配方黎整洗頭皂
之前有整過，原材料係台灣鴻裕買，價錢都算合理同種類齊全。
用皂洗頭幾個月 d梳好污糟好。
請問你有冇e個問題?
有
果d係皂垢，沖涼水入面嘅礦物鹽同手工皂嘅鹼結合得出黎
用左醋水過水會好d
但係，唔用醋d頭髮就太乾，用醋又太油
我見網上d人話裝左濾水器就可以解決
其實都唔貴
係有d bulky，我浴室冇位裝
如果你堅持一路用手工皂洗頭可以試下
我用完醋過,就係覺得頭髮好油。
手工皂洗頭 接觸少d化學品。我冇位係浴室 裝濾水器 因為皂垢問題, 好雞肋, 繼唔繼續落去好? 唉