小弟有兩件，哥哥兩歲半，妹妹一歲半。
哥哥黎緊9月開始讀K1, 我地兩公婆一向唔喜歡香港教育制度，所以比哥哥一直接觸d「international 野」、上西人playgroup、學d特別野，interview N班又揀「國際學校」希望佢丫第時行IB,外國升學…
到interview K1, 又係揀果d 「國際學校」，我一直覺得哥哥係「果邊」西西地就無錯，點知間間「國際學校」都唔收
, 反而去interview KV, 明明係傳統學校，只係唸住換票性質，點知佢表現得好好，自己唱歌跳舞對答如流、有禮貌…認真講，我完全完全無train 佢interview, 真係一心唸住比佢去玩下…
最後得KV 有offer…
哩次之後，我要重新認識自己個仔，我一直唸住佢係「咁」，點知原來係「咁」…
故仔講完：
其實想同大家分享一句，哩個世界係下一代嘅，我地嘅責任由佢出世開始就每日減少，比佢帶住你走，樣樣野都可以睇開d。
家長們，加油！
緣份遊戲
有時幫唔到佢哋安排咁多，際遇吧!
讀上去就知啱唔啱style
三年後又再玩過 
其實好多時我都會太過主觀，我仔happy school, 以前一直以為無小朋友唔鍾意happy school, 但原來都有一部分人係鍾意傳統學校，有晒step嘅教學，所以真係要多啲留意自己小朋友
非常同意，個老師一日見咁多人，鐘意就鐘意，睇唔上眼都無辦法。
有KV已經好好, 幾時都讚KV無縫銜接小學
我相信小朋友係會自己揀學校，同一日相差兩個鐘嘅面試，我小朋友可以一間爆喊一間就完美表現，結果好表現個間有offer。而家會成日講好中意學校。
見到有父母接納到仔女唔係自己預期咁，真係好
唔係人人都做到 我都要努力下
都係一件值得開心嘅事呀，仔仔好叻。
KV真係好學校！
唔單單得個名！老師，校長都好用心教導同愛護小朋友！
不過你要改變下自己諗法，KV令小朋友好開心返學，但有功課有測驗！step by step，跟規矩！如果你唔鍾意呢種教學方法…
大家明的！
唔少家長好主觀以為小朋友適合某一類型學校，但最後 offer 結果完全唔少嗰回事。識人今年升小，有阿女讀傳統學校經驗，媽媽覺得仔仔 （A）讀傳統學校會辛苦，但最後間間直私 offer，甚至叩門 offer 都係傳統學校，一間活動教學都冇。佢本來想入某一間傳統直資可惜 wait 唔到，我識另一個 （B）入到，個媽媽畀學校功課我睇，我就知道，雖然學校面試冇考過一條學術，但已經暗中篩走左學術唔太好嘅學生，連 A 媽媽都覺得，入唔到都係一件好事，唔洗九月份就谷到咁辛苦，依家間學校雖然係又淺又傳統，但勝在淺，唔洗下下谷之餘仲可以對考插班有幫助。
小朋友會自己揀學校，學校亦識揀適合嘅小朋友。考唔到未必係壞事，可能面對嘅呢條路更適合。
我小朋友活躍型，小聰明，以為in九龍塘傳統名幼唔掂，點知得咗！而家開學咁耐，每日都好中意返學！認同你！放開手俾小朋友自己嚟走佢嘅路！