仲要啲爭崩頭入的所謂happy school 唔知係咪真happy school 定入左仲要補習先跟得上課程
係咪大多數人揀私幼私小學 都係為左入直資/私立中學？
津貼中學一樣有名校
我老公九華 係仔既話都想佢入返
唔得閒揍先會報N班吧
讀咩都好，一定要家長參與，唔可能單靠學校
happy和放任只是一線之差
1個讚
我唔希望自己成為咁樣既父母
真係唔明點解咩都要比較
讀書比成績, 拍拖比男友, 結婚比老公, 跟住又要比住比婆家
我只希望我小朋友健健康康, 可以開心咁長大
如果得嗰2歲就要開始攞佢比黎比去 佢一定唔會開心
希望我做到啦, 加油!!
**其實我仲未有小朋友, 努力中XD
2個讚
我揀私幼係為左小學有得揀，由始至終目標都係一條龍直私。
好現實，直私教育係多元化d，資源多，又夠市場導向；一條龍唔洗為考中學谷成績，可以用果幾年響冇乜壓力下學下試下其他野，好多家長包括我自己都好buy。要入直私就一定要過五關斬六將，讀私幼裝備自己可以提升機會(唔係話津幼冇，但比例一定係私幼高，顯然而見)。
講開又講，其實有d私幼唔係想像中咁谷，起碼我女果間唔係。佢地係有方法令小朋友玩住黎學、主動想學。我睇過部份佢地上堂片段，日日有個net / 普通話人同佢地講故事傾計玩遊戲；8成時間活動教學，除左教學術，最重要係日常生活互動同英普對話，語境一流；做小實驗成班小朋友圍住，唔止踴躍參與去試，仲會問好多你估唔到既問題，果種主動性我連響u都未見過XDD…睇完我覺得幾千蚊學費真係抵比。
1個讚
其實，小朋友個個性格唔同，我都係讀呢類中學出身，個問題係小朋友性格同我南轅北轍，我都想佢好似我細個咁，讀普通津小，乖乖聽書做功課唔駁咀年年考第一，成綪band1A統一派位入band1 津中。無奈佢唔係咁嘅格，唔悶得。
不如出世後，了解下佢脾性先
2個讚
完全無必要，小朋友應該有快樂童年
再者，傳統名校唔少轉直資，呢個又有影響。華仁屬小數。
有啲傳統名校又有自己直屬小學甚至幼稚園（津或私），變相比出面街外人考的位又少左呢…
好多時戰場就下移至升小或升幼
我小朋友讀「所謂名幼」
但我0谷，只係配合學校做正常功課呢類，所以佢成日都係玩玩玩…
但同班亦有家長好谷，每日都set timetable比小朋友，更加有補習嗰d啦
所以我覺得係在乎家長選擇條路點行
名幼好在d家長就算hea/谷都比較在乎個小朋友，唔會有天生天養呢類家長
1個讚
如果你跟本唔介意佢讀咩學校，只求好校風，學社交，咁成件事會簡單好多，順住小朋友性格去揀，唔洗諗咁多
1個讚
學術差嘅學校基本上校風都唔好
咁，校風好，學術平平囉 
我依家小朋友都讀happy 幼，升小都係等運到ja。
我覺得依家點解啲人咁想直私，係因為直私有得考，有得揀，好似自己有多啲「控制」咁。而官津小，只係random 抽。
不過，就算小學呢關只能聽天由命，小一至小六你仲可以用自己方法培養小朋友，咁佢中學咪靠自己考中學自行囉。
所以，又唔洗一定要以入直私小為目標嘅。
平極都要band 1尾
因為去到band 2 band 3真係無乜機會校風好
我講小學ja
其實我最初想法都是快樂童年，happy 12 年。
但當開始面對 in 小一時，就會開始面對現實，想一些現實的問題: happy 12 年，可以應付公開試嗎？可以讀外國什麼大學？可以找什麼工作？我死後佢有冇能力搵食？
思前想後，我覺得先苦後甜可能更好，當然，做父母都要懂得適當調節，work hard play hard 唔好過度催谷。
1個讚
學習唔等於不快樂，唔係乜都唔學左係到就等於開心。
問題係學習方式能否令佢享受學習過程。坊間某些受歡迎既幼稚園，吸引父母既地方除咗語文環境，最重要係課程設計好，做到遊戲中學習。學校自制大量遊戲式教材，又教父母如果運用，小朋友學習到新知識亦有滿足感。
問題係，呢類學校受歡迎，但學位有限所以咪難入。
2個讚
但小學學術普通升中時多數係入band 2、3
出咗嚟工作就會發現人哋其實唔會睇你從邊間幼稚園/小學/中學畢業, 好多時只睇公開試成績/大學, 仲有你係讀邊科… 除非你中學係什麼神校, 又或者同老闆係師兄弟姊妹, 如果唔係, 我唔認為有好大幫助.
我自己偏向揀校風好同成績唔太差嘅學校, 最好有相同宗教背景, 有自學習慣同埋抗逆力, develop個人價值觀… 好多家長揀某D名校, 其實都係想要佢嘅人脈網絡而已…
我仔幼稚園都係讀happy school, 小學入返爸爸母校(因為唔想煩而間學校又唔差), 一直都冇補習, 但有上英文班(因為佢學校係中文小學, 想佢多D機會聽同講)… 佢想玩咩活動就玩, 玩過冇興趣就算數, 有興趣才繼續玩, 唔想參加什麼比賽我哋亦冇迫佢(所以佢報中學個portfolio只有好少獎項可以寫)… 最緊要發掘/培養佢嘅興趣/強項啦, 每個小朋友都係一個獨立個體.
1個讚
我只係回應返樓主, 樓主話有信心自己教得好