唔好意思呀，我都唔知係咪依個版問，其實自己都過咗30歲，但都係未ready有小朋友，所以諗住去雪啊，想問吓有冇JM經驗???
2個讚
幫推！我都想知
我做過ivf, 取過一次卵，養到5 day 雪胎，第一次放胎就bingo. 你想知邊方面資訊，我可以分享下。
其實我唔知點開始，所以都唔知問啲咩？
首先要抽血驗指數(好似係卵巢年齡) ，如果指數ok, ivf 開針時可以用長效針，取卵前打3針就ok, 唔洗日日打針谷卵咁慘。
經期嚟第一日就打去同診所講，跟住診所會安排日子照超聲波同開針。我當時係打長效針，中間要去診所照超聲波，睇下卵泡大小同子宮內膜厚度，計算邊日抽卵。
抽卵嗰日最好老公都要在場，可以取新鮮精子。老婆就全身麻醉取卵，取完卵休息一陣就可以走。我唔覺痛，當日照行街食飯。
跟住嘅嘢交俾lab, 由lab 決定養3day 定 5day 胎，做唔做到雪胎要睇精子同卵子質素。當時lab 幫我養晒5 day 胎。
但如果我未ready生住、可以
幾耐？
你其實都仲年輕
可以早些雪定比較健康嘅卵
但其實你想就咁雪自己嘅卵
定雪同另一半已經受左精嘅卵呢？
不如簡單講取卵前要做咩
我自己就係台灣做ivf嘅
分享下取卵前做過咩
咁醫生會叫你跟據週期去約你做陰超
但照之前應該會開一堆藥/針俾你食及打針
打針係打肚皮針，我就主要自己幫自己打嘅
大部份係筆針，呢個我自己handle到
跟住佢個時間表去打
每日都要打一針，我當時係左右兩邊肚輪住打針
但有部分針係針筒式，我就冇信心自己打到
叫我老公幫我手打，有一枝直接叫同事幫我打（我做份工同醫療有關，所以叫專業同事幫下手）
因為針筒式我驚我手震到打唔到，自己同自己打針點都會少少手震架喇
我見有人專登去診所搵護士打針架
你如果有需要去問下附近診所幫唔幫你打
食藥同打針主要係幫你刺激多幾粒卵成熟排出
咁照完睇完有幾多，如果有需要會加藥刺激多幾粒啦
應該之後會約個期直接去取卵
取卵前一日就有破卵針要打嘅
總之跟住醫生要求打
因為枝破卵針限時打架
一定要取卵前唔1x個鐘前打（我忘了實際鐘數）
咁最後取到幾多卵就當日會話番你知
但因為我直接ivf,咁好似上面咁講佢會即刻連埋老公精子送去lab結合再睇分裂成點
咁過幾日會話你知最後有幾多可以留低喇
咁就會幫你雪好
睇你可以放新鮮胎定雪胎啦
通常一次過攞到好多粒卵嘅
都會放雪胎
我就其實唔係攞到好多粒
咁醫生俾我選擇放新鮮定雪
我因為當時取卵後本身plan左去旅行
所以玩完再調理1-2個月先去放雪胎
好彩成功左
1個讚
要全身麻醉
其實對我來講，兩個好似分別唔大，係唔係後者會比較好？
咁其實真係去咗幾多次台灣啊？
我係台灣係全麻
我個落藥係手背
我見有人係平時捐血那個位
其實佢落藥果下
係感覺到由手背麻上手臂
跟手我就瞓左
完全冇感覺
唔會痛架
我仲瞓到護士叫醒我
唔係怕痛呀
係怕全麻有風險
冇記錯應該5次左右
有2次即日來回嘅
其實工作上請唔到咁多假。係咁即日來回都得
我那個醫師星期六都開嘅
所以星期六就到期都可以架
係抽卵就一定要前一晚到
價錢大約5萬港幣有找（只計診金、藥/針錢、手術費）
咁當然冇計機票、住宿、食野啦
我見有人講過直接留果邊一個月
初診都計好晒週期去
因為初診完會話你知週期後第幾日就食藥打針咁嘅
咁有人直接一個週期內做晒抽卵同植入
但首要條件醫生話你可以放新鮮胎
不過，我見比較多人講放鮮胎反而冇咁易成功咁
我自己覺得呢
話晒都打過咁多針刺激排卵又抽埋卵
好似調理1-2個週期先放
好似好少少
等個子宮都回一回氣
但其實你未知自己係咪咁想要小朋友
你地可以先做好受精卵
雪到想要時就植入
但我又冇問雪到幾耐
因為我唔係好多粒受到精，我一次放番晒入去
咁當然每年雪都要俾雪嘅錢
係幾多錢我都唔清楚
明白
咁做咩都有風險嘅
但呢款全麻唔洗插喉
相對風險冇咁大
其實全麻大手術最大危機係插喉同拔喉
呢2個時間係最容易出事
我就冇仔細研究取卵嘅全麻風險如何
其實計得準就冇問題
不過本身容易藥物敏感又反應過敏
就睇下駁唔駁啦
做咩手術都有風險嘅，但取卵嘅全麻係好淺層嘅麻醉，我嗰陣45分鐘內就俾姑娘拍醒咗
即日拎埋老公嘅精子去同卵子受精嘅效果最好。淨雪卵之後再受精會降低成功率。
我喺香港做ivf, 抽一次卵，放一次雪胎，第一次就bingo, 埋單10萬。喺香港做好ivf好處係唔洗咁頻撲，放完胎可以好好休息。
聽聞台灣較進取，用藥勁d, 會谷好多粒卵抽，壞處係用藥多傷身。我喺香港做，取卵前只打三支長效針同食口服藥，唔覺有唔舒服，無過度谷卵，最後淨係抽咗8粒卵。
但如果本身有免疫問題而難懷孕，聽聞係台灣好d.
取卵過程好快，麻醉時間唔長。取完卵都無咩唔舒服。
聽聞大陸做ivf 貪快，無全身麻醉下取卵係非常痛。
我成日都鼓勵我未結婚既朋友30歲去雪左卵先，一般30歲都仲可以雪到10粒8粒，但過多幾年就好難講，而雪左既卵遲d就一定係做Ivf（人工受孕）用架啦，in case 第二時想生但卵巢老化會無乜卵，唔用都唔緊要起碼叫你有，但如果過多幾年真係會無架。好似呀嬌之前雪得個3粒真係遠遠唔夠架！一年少過一年，到時先考慮就真係遲左！
我有做IVF ，知道多少少訊息之後都鼓勵我身邊的朋友早啲雪卵。
因為通常35歲之後卵巢嘅卵子儲存量會減少得快左，而且質素好嘅卵子（正常 chromosome) 亦會越來越難得。所以年輕的卵子會比大一點的成功率高啲。
成功率亦都唔係百發百中㗎：抽完卵之後成功受精成為 （5日）胚胎的太約有五至三成，之後每粒胚胎會有20-30%機會成功。我睇網上的資料通常要做兩次先有一個take home baby。
呢啲數字對不育的夫婦黎講已經好好。如果你生育能力正常的話可能又唔同講法
2個讚
我而家AMH好低, 後悔後生嗰陣冇去雪卵 
我上司係外國人, 佢4年前已經去台灣雪, 真係覺得佢好有先見之明
Amh 唔代表卵子的質素，質素好的話一粒已經夠了 ：）
加油