細個阿媽長期都係用真空煲煲湯俾我地飲。
見住佢都係朝早返工前煲滾，半個鐘左右，放入真空煲，放工返黎再煲多大半個鐘已經好好飲。
結婚後我又買左自己嘅真空煲，bxxxxlo啡色嗰隻，照辦煮碗，但啲湯煲極都係水一樣。阿媽就話，都係咁煲架啦，我煲又無嘢喎！
灰左。
有無JM可以俾啲貼士可以點煲得好飲啲？
係咪唔夠料?
會唔會落得太多水？試下減小水份…
好！咁我再努力下啦⋯⋯ 多謝大家！
水浸過湯料,往後飲過隨自己喜好再加減,瓜類可少D水,藥材/粉葛/豆類要多少少
1個讚
真空煲水要放滿，煲滾唔開蓋放落去，先保證到炆燒期間熱度，如果都唔得，要加長前後明火煲的時間
1個讚
我通常一半料一半水，水距離差煲蓋約2cm滿，大火煲滾轉中火再煲15分鐘，再放入真空煲，飲前再煲15分鐘就出味
要大火煲先出味
真空煲除了要中火偏大，較適合淮山百合重澱粉質材料。
水份高如白菜、西洋菜、蕃茄洋葱都是明火煲才濃郁。
2個讚
我家姐同我用同一材料(落嘛螺肉) , 都話煲出黎唔夠明火好味
你個保係咪太大?
太大又放得小水煲唔到的
你買個牌子係咪同阿媽嗰個一樣先? 都有影響
純個人分享，我用了十年以上都係咁煲，2大一小分量，先凍水放料煲，(十碗水)，滾水後放肉，大火煲約十五分鐘，之後轉小火煲十五鐘，然後熄火放入大煲局，到晚上煮飯再取出來煲多至少三十分鐘，飲前放 salt
** 十碗水就唔一定是定律，有一 d 藥材吸水，就可能要多一，兩碗水
1個讚