我老豆今年78，平時有咩唔舒服，病，就自己睇書執中藥，醫療券儲到爆曬都唔用，堅持自己醫自己，牙痛又唔肯睇牙醫，自己搵啲山草藥噏住個口就算。
呢排武漢肺炎，佢唔肯戴口罩唔洗手，真係驚佢出街冇戴口罩俾人打 
我媽今年64，唔舒服就靠自己自然療法。之前腸胃炎，驚肚痾，唔飲水唔食嘢，淨係響度瞓，勸左兩個星期都唔肯去睇醫生，到最後終於頂唔順先乖乖去睇…我心諗，一早睇醫生就唔使受咁多苦啦…
唉，都唔明啲老人家諗乜嘢！
3個讚
佢哋當自己係醫生，仲要係醫術高明嗰隻！
1個讚
最慘拖到嚴重咪又係要去睇, 到時又麻煩又貴D, 我都唔明點解上一代既人都係咁
1個讚
我99 話整親話腰痛, 我老公不嬲有幫佢買意外保險, 所以叫佢去睇下, 死都唔肯去睇 
有保險CLAIM 都唔肯睇… 完全唔明白… 
嬲得制我叫老公唔駛幫99買保險啦, 老公又話驚他朝有日一定要用時冇得用就慘
老人家唔一定願聽後生話, 搵d同級數嘅去勸下好d
老人家唔想睇醫生係因為怕發現有事，思想問題，正如無必要，佢地唔會入院，怕入咗去，出唔返嚟
保險唔好因一時之氣cut, 你老公講得無錯，好多人都係保險用時方恨無/少
老人家永遠覺得應該及時行樂，好多有事都堅持食煙 
老人家係咁，我媽都係咁佢直頭發惡閙 。
係呀，佢地好鬼迷信，相信「勿理」就係治療，訓醒就無事 
如果佢地慳開，怕使錢嘅先可以用保險氹佢
唔係嘅就難攪啲
或者唔好去醫院嗰啲，去睇下屋企附近醫生嗰啲佢會唔會接受多啲？
有時佢地會怕醫生發現會有咩大病
激死人
都係買個安心
做細嘅先識得湊佢地丫嘛
我有個朋友想幫佢媽買份醫療，點知佢媽唔肯，覺得買保險即係咒自己有事，佢唔明白，有咩事個女經濟會有壓力，想買份醫療就係想減少壓力
老人家唔駛勸嫁
要嚇佢
好似阿嫲腳痛唔肯做手術
我只係講無所謂啦
你揀自己坐輪椅一世
到時我地成家去旅行一定唔會帶你
重話想同佢曾孫去多次沖繩 無所謂既…自己坐輪椅係屋企附近一世囉
最後死死地去睇醫生
2個讚
勁呀！
佢地有僥倖的心態，同時又唔係好想面對現實⋯
如果佢地信中醫，先叫佢地搵個中醫睇先，如果真係關牙醫事。一般中醫都會叫佢去睇，中醫講一句。好過你講一百句！
3個讚
諱疾忌醫
怕睇醫生後發現身體有其他問題要跟進
靠嚇呢招幾好
我都係成日咁凶老媽子睇醫生
叫佢再拖就有事唔好搵我
62係諱疾忌醫，99&我媽都係打個乞痴都想去睇睇醫生先既人