屋企工人懶將啲廚餘倒曬落馬桶沖而家塞咗， 水去得超慢啲餸又浮曬出嚟， 救命呀 
聽過到熱水但係好驚去唔到噴曬出嚟
用廁所泵泵下先，唔好即時用通渠水，唔得先用，怕強力得滯
用泵嘅話會唔會湧出嚟好驚, 要等c6返嚟先至整到嘅話咪成個下晝都冇廁所用, 自己又唔敢整
用揼唔多唔少都有機湧出黎，拖返地就得
我老公都係, 乜嘢都倒馬桶, 佢話沖住水咁倒唔會油唔會污糟唔會塞.
痴架佢, 我真係小咗佢無限次. 馬桶唔係咁用囉.
–> 洗潔精+熱用至馬桶口前3寸, 等20分鐘, 沖水
–> 以上不成功, 就加廁所刷去推(當pump用)
–> 我見有外國人係用膠紙"芒"實個大口仔個口, 然後施壓, 好似幾得.
上網睇過有人教用保鮮紙包住個馬桶再沖廁
利申: 我自己未試過
試吓用保鮮紙!
我唔知有咩方法, 不過如果最後要搵通渠佬要小心, 網上好多係同一人, 呃錢嘅, 好似會整到好污糟跟住逼你俾好貴, 聽過有人被呃幾萬蚊
唔會大湧出來，以前租樓，有一間個廁所成日塞，我一個女人仔都泵得掂，你怕湧出來就一下子不要太大力，見有進展出到少少再加大力度泵。
至於點解唔好一開始就用通渠產品，我唔知你渠有無老化，有啲case 嗱爛左條渠，你就有排麻煩，仲煩過塞渠
我試過包保鮮紙, 封實, 係咁沖水, 小塞應可解決, 但如大勁塞就唔知嘞
用保鮮紙，要確定確定確定包得夠密實。
另如果是油引起的，可能要用較熱的水或清潔劑。
用超大保鮮紙，即搬運用包傢俬那種，包實馬桶一冲即通
唔該曬大家C6返嚟封曬保鮮紙之後係咁泵終於通返啦， 好彩冇整到一地都係 
恭喜
真空方法
其實同用廁所泵類似
我試過用膠袋密封廁所，係通得返㗎
下次用一盤碎冰倒落去實通到
請問要用幾多粒，
同埋，要唔要搵支掍攪吓去？