想請問音小用家或對音小有認識的各位:
我聽過簡介會，校長集中介紹學校在音樂及宗教上投放的心力資源，學術同教學方法都少講，校長答Q&A時, 好似話學校沒有請net.
請問呢間學校, 學術上水平如何，測考，功課深淺及份量如比較普通津小又如何？
另外, 如果申請時唔交portfolio, 會否影響面試或入選機會？
音小係中文小學，但中學部係英中。bk有位數據王，整合左學校2018年前既dse成績做過分折，音中我記得係b1c-b2a, 而且英文des考得幾好。音小數學係英文教，好似話音樂到小四都轉為英文。所以我相信佢地小學係有方法提升小朋友英文水平。
我記得校長講過話佢地冇成績表，只有成長報告，教小朋友同自己做比較超越自己，呢個觀念真係好好。
我睇過一篇文章，講將來世界好多野都可以比AI取代，但一D靈性、創作、人際關係既野卻無法取替，而音樂係其中一樣。音樂唔止陶冶性情提升個人修養，仲係一技之長，所以我幾buy呢間學校。
6個讚
咁請問有冇聽講過學校多數收邊類氣質的學生？會唔會要啲斯斯文文的?
我舊年都睇左好多資料，好似每類型小朋友都有，唔知佢準則係點。但父母interview都重要，我諗要表現出對宗教唔抗拒先。
唔知有冇有經驗嘅人分享下呢間，新校好似好受歡迎，但外面評價麻麻學費唔平。唔想好似SH咁比人呃。有家長/專家可否分析下。
呢間好似直升中學
的確學費唔平
同埋佢所謂音樂其實係褔音為主
音小唔新喇，係2003年成立。學費睇落唔平，但佢包埋單對單學樂器，又教作曲同唱歌，如果預左小朋友會學樂器，咁拉勻條數就差唔多。要注意既反而係佢高小、中學都有一定幅度加學費，一讀十二年就真係要睇下係咪afford到。
其實所謂評價，咪又係果一兩個論壇。因為我個女考小學，我睇過好幾間小學資料，音小係其中一間，佢DSE成績唔差架，而且有部份學生中學時轉出去一線中學。最緊要係因為呢間「風評唔係幾好」既學校，中學收生我相信都唔會有一線學生入，但佢由中小變英中，收中學生質素又唔會好一線既情況下，學校都做到B1C-B2A，証明佢教育方法係有d料到，論質素佢好過一D marketing好既小學。
一條龍中學，中學學費依家6萬幾一年，帳面係貴，呢個係考慮。
至於音樂以福音為主我又覺得ok喎。因為音樂無論乜嘢題材都係要做訓練，學識個技術、技巧，咩題材都應該大同小異。
小小分享︰我上年聽講座音小有分享過學生既作曲，三年班小朋友作左一首福音歌，佢未講之前係估唔到只係小三，我可以用驚艷黎形容我當時既感覺。我相信習慣響優美音樂下長大既小朋友，氣質一定不一樣。
我朋友嘅小朋友讀緊，感覺學生、家長都好純品，可能因為教徒，學生英文都唔錯，功課唔多，但留意佢地好多小息，所以好晏放學。一條龍，每人要學一樣樂器，但又樂團又不太出名
。
2個讚
音中在直私龍校中算弱，
特別是中文科達標人數偏低，
影響Jupas大學入學成績
音小每年是最早面試之一，
報名率高因為大家都想熱身。
1個讚
好似話無參加小學呈分試，升中好少亦好難跳出去？
佢係中文小學，但中文又考得唔好…奇怪奇怪
之前睇過有關討論，話學校覺得學音樂唔係為比賽，所以唔太著重，但會鼓勵有興趣學生參加個人比賽（好似係咁上下）。有用家話佢哋好少參加香港校際比賽，不過就有國際賽事。
1個讚
如果有興趣報學校前最好自己多d搵primary source 既資料，佢學校網頁都有d有用一手料。論壇乜人都有，未必樣樣資料都岩架，可能好多道聽塗說都唔定。
3個讚
多謝提醒，我再研究官網。
我上年去左簡介會，覺得冇咩大得著
最深印象係宗教氣氛，有好多琴室，小朋友會作曲，校長講校服靚，無特別請NET。
其他就無咩記憶，我個人睇重科學教學果類，簡介會唔太覺得有呢方面介紹，可能因為咁，我對間學校無大印象。
音小算係最早面試嗰批，報名去面試當拎個經驗，熱下身先。
路過回覆下 我係音樂人 身邊都有d朋友教音小 師資黎講 如果學音樂 個人覺得無演藝咁好 但都ok ge 當然名校個d 大部份都私人揾名師學 樂團自然勁d 比賽及出國交流比賽等資源都多d
純個人分享
大家討論下
宗教味濃唔係人人啱
1個讚
講明音小，但音樂又唔特別強，樂團又唔特別勁，只知要上好多音樂堂，因為早面試，好多人報嚟練習面試，公務員似乎必收，因為學費有津貼 
你家庭唔係超虔誠就再諗諗好啲，個宗教氣氛濃到唔正常。我有朋友喺入面教，教職員都要扮到超虔誠。如果小朋友大大下決定唔信會被壓到好辛苦
1個讚