比預期早左有左.....

孕前產後
1

大家好，點講呢，其實我同女友本身對結婚無太大執著，就算結都只會係外地簽紙做一做儀式算數，叫做對雙方家長有個交代，所以預年尾去外地二人婚禮簽紙:stuck_out_tongue::star_struck::heart_eyes:…

而我地本身都預左會有小朋友:slight_smile:，預下年準備懷孕，咁當然計劃總是趕不上預期，女友發現有左…其實我心情係複雜既，又開心又擔心，始終係意料之外，計劃完全打亂左:sweat_smile:

想請教大家，

  1. 想再check清楚啲，係應該搵婦產科去驗? 本身買埋婚前身體檢查plan但未驗就有左，所以啲地中海貧血遺傳仲未驗，係咪應該照做埋婚前檢查個plan?

  2. 好多人話未足3個月唔好亂講會小氣，呢個包唔包括4大長老:joy:

有勞大家比啲意見，謝謝

2

1.普通診所/家計會都可以驗孕
之後會出份懷孕證明, 就可以去公立醫院登記
(就算你私家生, 都排埋政府好D)
而家做婚前檢查好似遲左少少
不過檢查時女方唔好做子宮抹片, 有機會整親BB, 尤其未夠3個月未陀穩

  1. 我o個時未夠3個月, 都同左4大長老講, 有D好熟既fd都有講
    睇你自己想唔想, 當然問左你女友先啦
3

講句恭喜先～雖然計劃不及預期、但有驚喜都係開心事:smiling_face_with_three_hearts:

  1. 一開始唔洗一去就去到婦產科，去左普通診所驗左孕先，有左既佢地會再寫紙俾你去公立同埋私家睇架喇… 咁當然你自己去診所之前可以買多枝驗孕棒驗喇～
  2. 其實個個定義唔同，一般係因為3個月前未陀穩所以唔想周圍講廢事到時又要再解釋姐～你既情況我自己建議同四大長老講喇，因為可能你地要簽紙結婚或者有其他安排，早少少同佢地傾好似好dd :blush:
4

1, 你女朋友有咗幾多周？（用最後一次m黎第一日開始計）當週數數越大，準確度越高，大概四週或以上都應該已經可以準確check到有冇bb，可以問吓普通診所有冇驗孕，有的話一般都係同你驗尿。你都可以去婦科診所，或者化驗所抽血驗hcg值。任何一個方法check到有之後可以叫醫生寫懷孕證明。

婚前檢查有咗可唔可以做我又唔係好清楚，你可以打去問吓。

2，我自己唔係咁迷信，不過我都會等過咗三個月先講，因為頭三個月會唔穩定，有好多變數，即是平時好健康嘅爸爸媽媽，都有機會有意外。所以我自己就會等胚胎照到有心跳，發展成熟穩定先講，醫學上來講一般12週即係三個月左右叫做穩定。

祝福你同女朋友同埋BB​:smiling_face_with_three_hearts:

5

係開心事黎既, 唔好太擔心!

  1. 睇婦產醫生照超聲波要BB 有6 週大先睇到心跳, check BB位置 (係唔係子宮入邊) 都好緊要, 週數日期係由上次經期第一日開始計, 之後照完由BB size 會計到個準確啲週數日期 (因為排卵日子有時可能有出入) 。 太早照未必睇到心跳, 可能又要照多次呀

個驗血同間中心講可唔可以改做其他野? 我記得大左肚政府都會同媽媽驗地中海貧血果啲。。。

  1. 通常唔包, 但你知唔知女友父母係唔係好傳統果啲? 早講好似好啲但又驚佢地會忿怒了。。。 同女友傾清楚先, 我會可能等照埋第一次先。。。

Good luck!

6

感謝大家回覆，照咁計應該係4w左右，暫時預計會先去家計會驗孕拎證明，之後再去政府排期，同時間會睇私家既產檢
大家有冇好既產檢推薦?

7

恭喜恭喜~

我個人會去婦產科驗多次, 順手跟埋大肚生B… 如果想排政府, 我會驗左後, 即飛去排政府.
然後私下政府兩邊跟返D 診期.CHECK 住個B.

我自己有即時講比4大長老知, 無等3個月. 公司及其他人就等3個月. 而家呢D環境, 公司我都會提早講, 等佢唔洗炒我, GHAHAHAHA

9

如果第時諗住係私家醫院生BB，可以搵返嗰個醫生做產檢，咁佢會了解你未來太太同BB嘅狀況，跟進得好啲，你哋自己都放心啲。
當然中途覺得個醫生唔係好掂當，你可以轉醫生都冇問題。

另外又要諗吓自己接受到嘅地點同價錢，例如介唔介意到後期，大住個肚要搭車好遠先做到產檢？

依家一般產檢費用由五六百蚊至到千幾蚊都有，我自己就睇開$800次

10

路過~~~ (sorry冇經驗,唔識答你既問題)
恭喜恭喜!!!係上天既禮物

11
  1. 好多人以為所謂bb會小氣係迷信嘢，其實係一個體貼爸媽2人嘅習俗…早期自然流產係好普遍，如果你講咗，到時touchwood有咩意外，老人家會唔開心，甚至唔小心講咗啲說話傷害你女朋友，我唔係話佢地心地唔好，但媽媽係好脆弱架，有啲嘢言者無心
    我有聽過一個case，講咗之後傳開咗畀好唔熟嘅人知，點知bb真係冇咗，過咗成年仲有人問佢bb幾大呀畀相睇下，每次提都係一刀刀桶落佢個心
    仲有一個係bb驗到有問題，決定唔要，又畀啲閒人加多兩咀，已經好唔開心仲要承受呢啲壓力
3個讚
12

恭喜你:smiling_face_with_three_hearts::smiling_face_with_three_hearts:

13

恭喜樓主！ 我我個case 好相似呀:joy:
我本身諗住同男朋友三月結婚，不過因為疫情，defer左個wedding party. 同時發現有左BB, 好多野都措手不及同唔識.

你可以同未婚妻去私家診所或者家計會驗多次同拎份證明，之後就就返你地住個區揀醫院（如果你地係想係公立到生）同去登記

之後醫院會安排個期俾媽咪去抽血，會驗埋地貪，如果你地唔急，可以等呢個，如果醫院check到媽媽係地貪，會約埋爸爸返醫院去抽血驗埋.

希望媽咪一路好孕同BB可以平安黎到你地身邊

14

感謝感謝，好多野都黎得好突然，開頭呢3個月好多野要處理同安排亦要照顧老婆個心情，我會努力的，感謝各位，我都認為呢個係個天賜的禮物，多謝大家

15

我覺得起碼等6w 以上照埋超聲波，confirm bb 喺子宮入面先話俾4大知

如果有budget, 而家4w就可以揾私家婦科驗血check hcg. 可提早知bb 有冇順利著床

1個讚
16

恭喜
早生早甩身呀
遲生會冇力同佢地玩
要珍惜同個B既緣份

17

恭喜~

18

早生bb有好處，bb最花精力追牛仔咁追時，你哋後生有氣有力，小朋友長大，你身邊朋友先開始陀bb，不知幾羨慕你嗰個已經識行識走，到佢出來做嘢，你哋仲有氣力去旅行。

只係早點來找你，可能係你寶貝的前世情人太掛住你，恭喜:tada:樓主

19

私家我推薦張國良，好好既醫生，2個小朋友都係佢接生，良心價又有醫德，當年仲救咗我一命。
佢要預早約，你女朋友睇完普通科拎咗懷孕證明就要即刻打去約，因為張醫生多數唔接中途加入的，佢要由頭跟到尾。

20

想問下你小朋友係唔係已經好大下? 我大肚時都有朋友介紹佢(3年前), 話又平又好, 打電話去約時佢姑娘話只接開刀生, 我當時話我未決定, 照過2次, 然後話我胎盤有啲前置, 叫我開刀, 但之後我再睇2個私家婦產科醫生 同政府照, 照完都話無胎盤前置, 所以我對呢位醫生有啲保留。。。。 可能變左質。。。。

21

六歲同三歲，張醫生好小心的，有少少野佢都會睇得好緊，兩胎到臨生前都發現異常，醫生都叫我入院check下，好在都無事。
第二胎我係生完之後唔舒服，當時已經岀院响屋企湊b中，我打返去張醫生度問，佢幫我檢查完就叫我即刻入瑪嘉烈，當時我好嚴重，張醫生話如果入法國我會直入icu，我老公好擔心我，同張醫生電話了解，醫生好細心同佢解釋我會點，可能有咩情況會岀現。到我岀得院(瑪嘉烈)，佢都叫我返去再檢查。其實佢可以唔理的，因為我已經有瑪嘉烈醫生跟進中。
張醫生唔接順產好耐了，我諗至少5年，睇過佢都知有幾多產婦揾佢，再接順產我諗每次產檢要等至少2個鐘:crazy_face:
胎盤前置我聽過有可能隨個胎兒越大會變番正常，我相信當時醫生只係講有可能會前置。如果真係胎盤前置，一定要開刀同埋比一般高風險架，我相信唔係個個醫生肯接。