我係班阿嬸姑姐要斟茶俾6299，其實我覺得要斟茶應該係做仔女做，但係仔女，女婿全部唔使斟茶，要我跪低斟茶，最後利是都冇，其實要斟茶，最唔應該係新抱
跪低超誇囉！我絕對唔會！
斟茶姐，斟畀佢啦⋯⋯
少d見面，保持心境開朗
問題唔係斟茶，係點解仔女唔使斟，我要斟?
生日要我斟，新年又我要斟，但係親生仔女就唔使，過分d
之後發生咗件事，現在一年見一次
沖茶我ok，大家一齊飲
斟茶就不了
唔係沖茶，係跪地斟茶
發生咗咩事呀？
62生日，話普通食餐飯，到最後迫我跪低斟茶俾佢哋，但佢哋所有仔女都唔使
斟佢鹵味啦(我係粗人)
任何嘢，男家要我做我一定要返我老公做：洗碗好、煮飯好、家務好
奶奶話我一句，我會叫我阿媽同我老公話同一句。我全家女都係咁對老公，好公平
亳無婆媳問題，啲老公好識搞掂佢哋啲阿媽
1個讚
有啲老人家好奇怪 係都要踩低人哋個女
跟佢哋屋企重男輕女嘅傳統 但又要話時代轉變女仔出去做嘢畀家用 
痴線架？依家咩年代呀？
樓主你仲咁好人一年見一次，俾我打死都唔再見
話：冇做錯事，絕對不跪
再講我唔會客氣：紅白才會跪，生日唔算，大壽都唔算
佢覺得自己大晒，62大壽大晒，而且覺得好要面。
呢條事我已經好嬲，但另一件事發生之後一年見一次，平日唔會有任何聯絡
我最唔怕男家，一文都冇比我，跪條毛？
我可以跪，但我會叫我老公跪返我父母，然後我影 video 比老爺奶奶睇，話：你個仔都好乖
睇佢夠唔夠膽要我跪
1個讚
6299及姑仔，我已經視而不見，佢哋有咩事都唔會關我事，除年初一外我唔會見佢哋。
6月份疫情冇咁緊張，佢哋話要食自助餐幫62慶祝生日，重要9個人，重想加到12人（冇我份）,限聚令出即刻話全部去屋企食，叫外賣，我擔心有人中咗招，我唔出席都會中，疫情去到每日過百都唔想改期，去到最一日應該佢寶貝女出聲先改期，好自私。
我會走人，講真。
跪咩跪，我父母都未要我跪。
男家無份養大你、無份供書教學、乜都無，做咩要跪？！
我99 試過一次飲茶之後向我老公投訴我無斟茶俾佢，我知道左問老公「點解要斟？」，我老公一句「你唔洗理佢」、佢搞掂。
又試過向我老公投訴我無叫人，重點我老公都無叫我父母，大家okay左一家人唔需要咁樣叫黎叫去、覺得好做作。然後我同老公講「我叫人無問題，你都要叫我父母」，老公都話唔洗理，我話依加係你媽投訴我，廢事人地覺得我無家教，老公企硬叫我唔需要叫。
1個讚
其實我都係咁諗，c6怕6299冇辦法。
最可怕係99自以為是，所有嘢都覺得自己啱
當年62大壽要斟茶搞到好唔開心，之後99生日發脾氣話唔食飯，我不知幾開心。
你老公好好
人地唔搞我，我一定唔會搞事，會以禮相待。但如果佢地都咁樣，真係唔好啞忍，要保護自己！
試諗下如果你有個女、6299 咁對佢，你會點？會幾心痛？！你父母亦一樣心痛你，所以如果老公保護唔到你，你真係要諗方法呢！