只準新抱跪6299, 唔比女婿跪外父外母, 你99都好守專制下.
咁99之前入門, 62係咪都無跪99父母?
因為覺得係老奉
中國人嘅陋習
如果頂唔順就要出聲
同老公講
至少叫佢氹返你都好過自己忍
我結婚果陣沒擺酒沒影婚紗相
就咁簽名再雙方屋企人食餐飯
比男家講足幾年講到依家
我老公阿嫲要我搵日斟茶
要跪住斟茶比埋堆3姑6婆
然後我同我老公講既然你要我咁做咁唔該你一樣跪住斟埋茶比我老母我姨媽舅父姑姐等等
我老公唔想,之後我表示既然係咁我都唔會跪係度斟茶比你所有親戚
之後件事不了了之
到後黎我生左,佢地又重提話老人家乜乜乜
我廢事煩妥協企係度斟茶比佢阿嫲算
本來想斟埋比佢父母,但佢父母話唔洗啦比阿嫲得喇
我覺得男女雙方係對等
我老公要我對佢屋企人做乜,佢都要咁對我屋企人做番咁先公平
3個讚
佢地真係清朝人咁，好似買個女仔當新抱咁
我都聽過我有朋友男家屋企有工人
拍拖果陣仲好聲好氣,我個fd上去食飯問洗唔洗幫手
佢奶奶仲話唔洗有工人做
然後結左婚之後再上去食飯
飯都未食完個奶奶就同我個fd講
“喂,你入去廚房切d生果出黎再去執野洗碗”
嫁左之後要做妹仔……
1個讚
我都想知, 但佢實話有
就好似我老公話佢都冇斟茶俾嫲嫲, 佢話有但我哋唔見囉
係, 暫時仲頂得住嘅
始終老人家喺度先要
平時都係過時過節生日嗰陣, 仲同老公一齊斟
但真心明白婆媳關係差其中一個主因係兩代唔同嘅習俗同睇法
己所不欲忽施於人吖嘛！
好在你老公都冇強逼你
你肯妥協都算係咁
我都有妥協 haha 為咗和諧冇偈啦
我覺得呢啲當人妹仔嘅語氣真心衰囉！
老公應該要出聲，點解唔叫工人？
如果唔係以後少去99度為妙！
講開又講, 我當年大肚九個月, 有一日99問我放產假未, 我話未呀, 我放前2後8. 原來佢唔係關心我仲要唔要返工, 而係佢以為我放假得閒, 可以代佢去我姑奶就洗衫煮飯(我姑奶當時有重病, 再過半年左右就走左喇, 我99嗰時日日過姑奶屋企照顧佢, 又係一路做一邊好多怨言所以想搵人頂下佢),重點係, 明明姑奶有老公, 仔女都成廿歲. 我聽到之後堅嬲, 你個女就係女, 我就唔係女.
不過, 我同老公講, 佢話, 其實就算你已經放假, 家姐姐夫都一定唔會比你咁做喇.
再過多陣諗返轉頭, 應該係99當時太無助, 所以先會咁講.
2個讚
我真係唔會理
但姑奶有仔女點解唔叫仔女做？無助要求助都唔係求助你卦？仲要大住個肚9個月點幫到手？
自己屋企嘅家務都可能要人幫…
但你識咁諗就好啦, 講真有時99可能冇諗得咁深入, 一心諗住你放假有人幫手咁啫
如果佢諗深入啲就知你做唔到
唉, 我都想, 但當時婆婆開聲, 6299在場又唔出聲
say no一定俾人鬧, 我最怕佢啲女, 即係啲阿姨, 會好多嘢講
我咁少見婆婆都成日聽佢講呢個唔好嗰個唔好
可能背後都會咁講我, 真心驚呢啲口水
女人堆真係煩
我都係
拍拖果陣好客客氣氣
講左決定結婚，幾日後上佢屋企食飯就要我洗碗
老公想洗奶奶就會衝出黎爭住洗返
我初初同我老公拍左拖1個月左右
第1次上佢屋企食飯佢阿嫲已經叫我洗碗
到我第2次上去食飯拍左幾個月
佢阿嫲飯都未食完又叫我去洗碗
之後我捉左我老公去洗
我全程企隔離翹住手做監督
自此沒乜特別野我都唔會上去食飯同佢阿嫲都沒再叫過我洗碗
果時心諗我嫁都未嫁,女朋友咋,拍左一年拖都沒就要做妹仔,真心cls
如果我老公真係要我洗我會請佢上我屋企食飯再要佢洗碗,然後分手
好彩佢沒
2個讚
好彩你老公撑你
我接受到耐唔耐針杯茶
但接受唔到話父母受唔起男人跪囉
如果我老公當時唔跪我都唔會跪男家
又唔見d 媽叫呀女個男朋友洗碗
好多傳統真係玩死人
女人為難女人
完全睇低女家
接受唔到
好才有大吟姐
1個讚
仲以為係童養媳年代