想請教如果本人排緊美國綠卡申請(已經排左3年)，攞到綠卡後可唔可以馬上與男朋友結婚再幫佢申請入藉？
因為有問過如果而家結婚我就要重新排幾年隊
另外有朋友提過話如果攞到綠卡就即刻結婚嘅話係唔得，仲可能影響到我自己嘅綠卡都無埋，唔知係咪真
感謝回覆
1個讚
我有好朋友好多年前喺美國讀書，畢業後做嘢公司幫佢申請綠卡，有律師幫佢辦，佢嗰時拍緊拖，律師教佢綠卡批出之前結婚，咁佢老公都可以跟埋佢一齊攞綠卡，唔使之後再申請佢老公
我唔知你情況同佢係唔係一樣，你話問過如果而家結婚你要重新排幾年，係問邊個？美國領事館？另外你話攞到綠卡即刻結婚會影響到你自己嘅綠卡都冇埋，我又覺得唔會啩，綠卡比左你唔會咁兒戲收返啩？
當然我唔熟移民條例，唔敢亂教你，不如搵個移民律師問下？
1個讚
要睇下你用咩申請綠卡，如果係父母申請未婚子女，咁咪唔可以結婚住，但收到綠卡就可以結婚兼申請另一半，呢個申請都要幾年。父母申請已婚子女會耐些的。如果其他，應該冇分別，可結婚。上visajourney問下，個度多人識移民case。