前排佢WhatsApp我，問我我要唔要做婦科檢查。
話: xx 你有冇做下婦科檢查呀，都結咗一年。
我個心個下好唔舒服，其實香港今時今日咁嘅情況係我自己唔想要住，就算唔講政治因素啊，淨係睇吓依家經濟都覺得危險啦，點解要講到好似我個身體生唔到BB咁？問都冇問
我答:婚前有諗過同老公去檢查，不過冇去到。
但係因為香港近排發生咗好多事，而家又要有咁嘅病毒，我哋兩個都唔想要着睇吓遲啲點先。
佢話: 咩時候都有人要小朋友㗎啦，比啲補品你食好唔好。bla bla bla 你經期準唔準bla bla bla …
我答:放心啦我子宮好健康
係我哋唔想要着 希望疫情快啲好轉咁啲計劃可以繼續進行啦
佢:OK
其實我最唔開心係點解佢第一下就問我有冇做婦科檢查…
痴線，唔問左自己個仔有冇問題先
99角度:自己個仔係唔會有問題架！
有問題果個實係人地個女啦（即係心抱）
所以我答佢本身婚前想同(佢個仔一齊)做。
99平時對我ok嘅，雖然佢藍，盡量唔講政治。
但聽到佢咁講，好唔舒服。
最大問題係我覺得佢係咪唔應該諗我or佢個仔有問題，應該諗吓係咪我哋未想要住？
呢個世界有Condom㗎嘛。
唔洗理佢啦，直接答佢你兩個都想二人世界吓先，佢奈你哋唔何呀 
你奶奶又會咁直接嘅！當年佢哋兩老都只係敢向我老公打探！
個個老人家都係咁，只係你嗰個唔識做人啫。佢有佢擔心，你有你生活。是但敷衍下佢咪算囉
睇你99嘅回答，.佢嘅思想係停留喺結咗婚就要有細路仔，唔會諗到你哋嘅問題，只會諗到自己嘅需要。
當然我都只會跟返自己條路行，純粹覺得個心唔係咁舒服，本身我哋嘅相處冇乜問題佢對我都其實唔差，亦都會成日煮飯俾我哋食啊，送下野比我呀。
唉
聽聞之前真係問過我老公幾次，咁我老公都係答番啲差唔多嘅嘢，可能佢越諗越擔心，越諗越多疑。
係呀我都有同佢解釋個原因，然之後佢都係講返: 咁可以等我哋仲有氣有力幫你湊下嘛。
即係聽唔到我所講香港嘅一切，宜家呢個時候點樣對下一代唔好，即係冇care小朋友嘅成長。
Care自己有冇得玩B
係呀佢哋好多唔care呢啲嘢㗎。以為生出嚟有工人湊就得㗎喇，唔會理點教之類。淨係諗滿足自己抱孫嘅願望。
不過公道啲諗，可能我哋到咗嗰個階段又會係同樣諗法都唔定㗎!
好彩我哋喺屋企未開聲前已經講定唔生
佢最後會答你：ok。
都算是一個尊重你又唔嘮叨的奶奶。
好多奶奶係唔會停口，不斷再說服你。有佢講冇你講。
下次佢再問你，你答佢問返自己個仔（你老公）就可以，你只要話：一切生育計劃，都係先生決定。
咁佢一定唔會再煩你，只會煩佢自己個仔。
醒，少好多煩惱
我妹老早就話唔生，到結婚第八年有咗，我哋問佢係咪意外有咗，原來唔係