呢度有冇小五家長呢？
小學咁多個年級裡面，小五真係最大獲 
第一次呈分試，真係考又死唔考又死，好矛盾。一日冇話取消，你都唔敢攪到小朋友個心散晒。
上學期成績又未出，因為未對晒卷就停左課。想用上學期成績去睇下細路考成點再去備戰已冇可能。話就話停課不停學但依家只係睇youtube同用meet上堂，根本好難吸收。本身小五課程係深同趕。
雙職家長又要搵食，home office 睇住細路又要做公司野又要睇功課，真係人都癲。
D比賽又停哂興趣班又停哂，想儲下證書都冇。
夾硬考呈分最大問題係，因為疫情影響，其實係拉大左個學習差異。本身考試制度係希望公平原則，大家一齊返學一齊學習，唔同階層學生就算社經背景係有分別，但返學學習始終都會拉返近。依家乜都靠家長，其實屋企環境係好影響大家向屋企嘅學習。七月夾硬考呈分係咪一個公平做法呢？但第一次呈分唔考，變相原本的第二次呈分比重高左好多，差唔多變左一試定生死。
1個讚
無計，你最好係keep住每星期要佢做中英文寫作、閲讀理解及計數
有心但無力，依家可以個個星期清到學校俾的功課已經好好，唔好話備試了，真係備條毛
上學期學D野已經因為停課唔記得哂
唔駛擔心，根本全香港嘅小五學生都係咁 
都無計，唯一可以做嘅都係keep住每日要有溫習習慣，唔好俾佢hea 左
相信EDB會６月叫小五復課，再叫學校７月中先完成呈一。
其實最大鑊唔係駛唔駛呈分，而係小五個班學生下要改埋用今年小六畢業生既Pre-S1成績計Ranking Order同分Banding，咁先大鑊。
2個讚
唉～冇辦法，我都係keep 住比練習，同埋日日清學校網上功課，做得幾多得幾多
識得一個小五生，無上綱上堂(無私人電腦、住處網絡收得好差)，綱上功課交唔到，佢自己睇圖書，自己學習；
難道父母唔想子女考到好中學咩？
今次停課，大家試試放鬆一下，讓孩子知道自己到底想要怎樣做才不會浪費時間，家長亦可從了解孩子的進度
我都覺得今年係小五好煩,
我估呈一難考架啦.
不過唔知點攪者.
我仔上學期已經HEA, 而家想追都唔知點攪
我仔小六，佢都當正放緊暑假咁，我都好難想像佢點考pre S1，佢哋今屆嘅成績仲會影響師弟妹，真係唔考好過啦！
Agree
會影響那一年的師弟師妹?是否影響下一屆?還是下幾多屆?
今年小六畢業生既Pre-S1成績影響未來4屆學生
2個讚
Hea 哂，唉。
唔好話小朋友，放咁耐假大人都hea啦，頭個1個半個月都仲 ok, 之後真係好難 keep
咁學校和家長都無反對嗎?
當然有家長反對啦, 如果5月底復課, 其實實際教書時間唔多, 真係好大影響… 學校有冇提出反對我就唔知喇
要多d聲音向教育處反對，咁即是來年二致六年班的學生都受影響，有d家長可能留意唔到，聯合起來反對更有效，咁應該點做致好呢?
我家有小五生，hea又唔算最hea,但肯定唔勤力，上網學，佢掌握上真係無上堂咁好。
我自己無俾亞仔去補習，但我知佢好多同學有補，請老師回家或網上補都有。所以我預咗開學後差距會好好好大的
我屋企個小五生，有做功課同溫習，但就好hea咁應付。7月真係要考呈分，真係有D擔心。 
我仔心已散 