Drop 剩呢兩間女龍，自己研究過，升小後再升中個機率兩間都好吸引
如果有意日後海外升學，大家會傾向邊間?
(自己比較鐘意坑真因為中小， 可以出國前學多d 中文打好基礎。但聖保祿中四有IGCSE ,中六有GCE 唔駛局限於DSE 對出國升學好似靈活d)
如果以升學角度，坑真比聖保祿保障更大。有朋友升唔返。其他還有：
1.學費，坑真幼較高
2.校舍空氣坑真很好
3.兩間學校需要搭校車嗎？
4聖保祿可抽獎，坑真不可
5宗教
海外升學不太清楚，可能要其他人答你。
如果以上都不是考慮點，坑真發展較全面。
1個讚
論名氣、程度、課程、都一定揀聖保祿！
1個讚
點會呀， SPCA’s 升中收晒咁滯
但坑真小唔係，好似得6成。
講緊幼稚園，唔係小學
升小，坑真九成，聖保祿八成
升中，因為坑真係聯繫中學加女校，所以無可能收哂。
聖保祿當然好，但很多人各科皆要外補。也聽到升不回小學而不知原因。
1個讚
如果只講小學，你岩。
但我會考慮埋小升中，因為揀龍校都係想要好既中學。
我睇兩間都係B1A 估計公開試成績唔會差太多
升中坑真應該都好高
VOTE FOR SPK!
以我所知坑真中既成績一般，不是最top水平
SPK for sure
兩間升小都唔係全收。龍幼學術係相對淺啲，所以你都要做下野，唔好單靠學校，touch wood 入唔返小學部，你要出去考學校。
升中嘅話，真小過往比例係收 7 成，中學部有機會友情自行收 Band 2，但今年開始公開自行，升中未必可以再有咁大保障。Band 2 女女如果入唔返真小，區內可選 Band 2 就得返何東、寶血女子、金文泰等。聖保祿升中雖然係直屬，但佢收升要求係中英數常 70 分+閱讀報告+面試表現，所以基本上可以全升。
就算出唔出國，我覺得冇需要考慮有冇 GCE。依家年年大把 DSE 出國，唔存在「GCE 靈活啲」。19 年讀 DSE 90 人，GCE 57 人（冇理解錯的話），都有 10 個 DSE 出國，30 個 GCE 出國。GCE 都唔係人人可以讀，都要考得夠前先可以揀。
的確聖保祿中文科係冇咁出色，但比上不足比下有餘，Level 3 or above 都有 90%，Level 4 同 5 以上就少好多。但睇返同佢 Marymount，佢 DSE 人數 94 人，中文科 4+ 大約 57%，但聖保祿都有 67.8%。Marymount 都係 Band 1A 入面中文很弱嘅一間，所以咁睇嘅話，聖保祿唔算差。睇埋 Band 1B 聖言男校，中文 4+ 都係 60%。
坑真小學 19 年 123 人畢業，74 人原校直升，11 個女女入其他 Band 1 中學，2 個女女考入國際學校。8 個仔仔 6 個入 Band 1。中學部 21 聯繫位，50 公海，即係坑真的確係有用部份自行位收 Band 1 同 Band 2。不過今年更新玩法，要由今年重新開始睇。
中學部 DSE 中文 Level 3 以上 91.7%，4 以上 86.7%。咁當然坑真中文好啲，始終係 “主流” 啲，升中換血洗牌多過 SPCS。
6個讚
請問坑真同Spk幾時交大訂？
坑真 5/30 交第一期學費
聖保祿 5/16 有簡介會，之後先知詳情
謝謝你,小女等緊Call waiting
聖保祿 5/30 註冊，交埋上學期書簿雜費千零蚊，8月初直接過數9月第一期學費
經過深思熟慮，都應該會放走坑真了
同朋友傾開，聖保祿升小升中都好少好少收外校生，絕大部份都係由幼稚園開始讀上去。係無乜"外援"情況下可以keep 住好成績，令我好大信心學校教學上真係"教好學生"
Hello, 我女都係今年新生，我上網睇d人講到SPC（小學）既成績，係家長自己谷返黎，我雖然唔知真假，但普遍用家都話呢3年幼稚園相當愉快，雖然呢三年學術好淺，但學校可以教到小朋友既品德同自信，我覺得對幼兒黎講都好緊要，可以話係為日後打好基礎
我之前都猶豫究竟take聖心定SPK, 但SPC真係收極少外援，我又唔想放棄，心諗比個女試下，係機率上考返入聖小會易過SPC吧
另外，我想問下呢，今日回條買書果到咁少書既，SPK係咪用自己教材多？我地唔駛另外其他出版社？
SH 升小好多都等自行/抽聖津 or 港島其他學校，學校為左幫佢地，會多啲出聖私 offer 保障佢地，但當然唔係 100%。但聖私有自己面試，waiting 學生有筆試復活賽，只要筆試過關就得。SPCS 冇，亦少人走佬。
最安全做法係讀 SH，想搏就 SPK 生考 SH。我記得 SPK 係有自己教材，就唔太深，你想搏就必須自己搞學術。
如果揀聖心但唔會搬同區就基本只能搏聖私小。但聖私小返半日返早實在太辛苦，日後有課外活動要搞掂接送同食飯就頭痛。但聖心真係好好既學校，卷校慳返一大筆! 我之前收到坑真am，就放左聖心pm了，主要就係返學距離同時間。
我自己睇法呢個年代如果目標係熱門少少既直私學校，基本上都一定要外補突圍。已經唔係講緊dgs, spcc 呢d 神校。但親子同學術兩者一定要平衡。
其實聖保祿嘅校內欺淩好嚴重。如果同學無返咁上下家低，或者無共同興趣，好容易成為被欺淩嘅對象。
1個讚