喺c站遇到過:-
- 我賣嘢，交收嗰時我就哂佢時間地點，仲要再平啲比佢（我開已經半價，再平多少少），估唔到佢最後評分比3我（我比5評分，仲要pm有同佢講）
- 我買嘢（奶粉），傾好哂交收時間同地點，轉個頭同我講話太多人問佢要，問我加多10蚊買得唔得，我最後無要到
喺fb遇過:-
- 有物主交換口罩，咁我有地點又啱，咁我pm佢啦，影咗幾次相比佢，約好時地交收，點知隔幾個鐘又pm我，話已經同人換咗
仲有好多（講價，甩底等等），諗到再講
兩件事都喺c字頭app發生
-
放入門級電子琴，交收前一日打黎話買咗個華麗三角琴所以唔要，咁我就一句ok唔幫佢hold啦，第2日又pm我話要，我唔賣就講粗口
-
賣一條好普通非名牌嘅出街裙，有個人凌晨3點連續pm咗十幾個msg話急要，問點解我咁耐都唔覆。我覆佢唔賣順手block咗佢，個人就開多幾個分身不停pm我，最後將佢所有acc向個app投訴兼del咗件product先冇事
c字頭
1,，我賣一百幾十蚊野，都有人會一斬斬一半價
仲話俾我聽係誠意出價
2，傾好晒交收時間地點出埋價，前一日提佢交收，搵極都搵唔到佢失左蹤
3，傾好晒交收時間地點出埋價，之後又話唔要，後尾又話要，跟住又話唔要，前前後後2,3次，跟住我鬧完佢之後block左佢
我都試過有買家出咗價先講價，又改地點
有次㷫㷫地我差評佢，然後取消保留，然後block咗佢等佢無仇報
啱啱又遇到一個，c站發生
我係賣家，出完價問佢點交收，佢話面交但遲啲再約
咁我等咗4日再問佢幾時交收，已讀不回我，嬲嬲地差評佢，再取消保留比佢
1個讚
我試過出到黎見佐先唔要。只係一次。其他都大部分正路.
係試過放床就好多人問。但真係回覆佢地就其實唔回應。
我試過出到嚟不停要我減價比佢，又話自己窮，話自己學生，仲show學生證比我睇
果下真係好無奈!
C個度好多，講好哂價錢，交收地點、去到唔見人，又唔覆，其實一句唔要有問題嗎？
1個讚
- 影齊哂相，話埋比佢知邊度有瑕疵，出到黎先話吾要，浪費我時間
2）有人問邊度交收，問完之後又無話要件貨，隔左幾日有其他人問，甘我咪賣比第2個囉，我按左保留，佢問我係唔係保留比佢，我話吾係，之後比佢鬧返我，話係佢問先應該保留比佢，我都費事回佢
鬧返你咁無品，無反應就留比第2個架啦
賣電腦，約好曬嗰個人遲半小時出現，俾咗廿蚊我話都係唔要部機，但過咗幾日又約返我出嚟買機，最後都有賣俾佢。
至煩係嗰啲明明寫住話面交，都不停問有無得郵寄或者順豐嗰啲
我真係想講順豐同郵局唔係開喺我屋企樓下囉，收嗰少少錢山長水遠去寄咩
c字網
有個人問都唔問就拍下我啲二手嘢，仲約我時間同港鐵站等，我唔賣，取消佢，有人用另一個戶口用粗口鬧我
係Bk賣鑽石介指，有條友話戒指圈size唔啱佢，要我平俾佢，我心諗佢都痴線
寫埋面交地點，但好多人總係改地點
試過有一次寫可東鐵線九龍塘至沙田面交，係C 站有個人直接出左價之後，跟著話要港島/將軍澳交收，話我個Location好新界，佢唔敢入去
唔啱咪唔好買囉，點解要平比佢
叫佢去周x生，六x問下有無得平囉咁
九龍塘都新界
其實佢將軍澳都係新界
係C字網站
我想清屋,基本上都賤賣,一個A4厚身拉鏈文件袋$10,講明不包郵不面交,個人叫我包郵,我問佢點解你唔直接叫我送比你??然後佢又要迫我同佢面交,但面交又要就佢,夾黎夾去都夾唔到,最後佢話放棄
試過幫屋企人放售套LC杯,都幾重,個買家係咁追我約交收,不停問,話我無禮貌唔應佢,好啦.同佢約好左交收日子時間,個日下午仲同佢再確認一次無覆,到左交收時間,當然無出現,我仲要落雨推bb車出去,嬲到我打左一大段野鬧佢,唔要真係唔緊要,但唔係咁玩人囉
包郵，寄出都倒貼埋郵費比佢啦
我之前遇到一個都差唔多，咁我都包郵比佢算，寄完比佢，佢問我點解唔係包掛號郵費（話平郵萬一寄失咁點算）
自此我全部寫話包平郵郵費