學校每日只有20分鐘質素好差的短片，小朋友完全唔肯睇，所以我都冇迫佢睇，不喜歡小朋友看太多螢幕。
退學要提早1個月通知,我估1果度你有機會輸
其實都有機會ga,不過睇你會唔會肯博lor.
正常入學填表時有簽訂要一個月通知，如果簽左， 1，2都唔係理由
雖然我簽咗係會一個月通知，如果學校有繼續提供課堂，我當然要付款及一個月通知。這是合約精神. 但學校沒有提供所承諾的課堂(違約）在先，我仍然有必要遵守合約付款？
我自己咁睇，告未必告得到
一嚟簽嗰份只是通告並非合約，上面亦無寫明明提供唔到3小時教學會退款或不用交學費，好難拗
而且，掉轉睇，如果學校提供多咗教學嘅時數，家長會唔會交多啲學費比學校?
所以我覺得難啲告到
當然明白現今家長嘅難處，試下同學校傾下得唔得
我仔仔都係私校N，2月中教育局宣布繼續停課時先退學，但都有交2、3月學費。
其實家長要明白呢個情況係逼不得已，而且你確認入學時學校已經講明咗要幾耐通知。你可以同學校傾吓，同埋無可能告得入。
講明一個月通知or兩個月通知，即係早一個月講。呢樣同學校係咪俾足3個鐘上課時間冇關喎，咁都有得拗? 我就係計過我間幼稚園兩個月通知已經五月，咁不如俾埋六月學費豪俾佢算。
告又未必會告你嘅。入稟小額錢債都煩。不過有樣嘢叫reputation. 呢個世界好細㗎啫，俾人背後講話姑寒/無賴就無謂啦。退學case聽好多，但爭拗通知期就真係第一次啫。
我都好同意，其實家長身教好重要。而且香港好細，今日同學校嘈到拆天，他日原來仲有個細嘅想入學，老師心目中都有少少扣分。
你2月有冇睇過佢啲片?
我不是法律界。但我自己諗你果啲似貨不對版多。係咪去消委會問?不過我覺得人地係有權追討你。但佢做唔做就未必知。
我突然諗咋。好似啲工人咁。咪成日又貨不對辦。但如果你炒佢唔俾1個月通知期佢。咪都係唔得。死死地氣都要俾。
不過睇你咁唔想俾。我諗全部人叫你俾你應該都係唔想架啦。。。哎。。。不過呢個位真係覺得激氣既。得唔到應該得的服務。
我不是法律界人士, 但應該唔多似可以用以上既理由唔俾學費。
學校方面唔係自行私下決定唔開學而"break contract", 係政府政策影響。
好似8號風球唔返學既日子, 家長又係唔係可以追討學校"無提供服務"而退款?
公司又可唔可以話你8號風球無返工而扣一日糧?
你當打左幾個月風咁諗會順氣DD掛…
我小朋友N班, 都係一個月通知學校退學~
1.道理上是學校個邊，即使學校提供再差再少的教學片，學校還是有提供。好似上面講，一向打風落雨小朋友病等種種原因風險都由家長承受，沒法逃避。不滿可通知下月停或迫他們提升質素。（政府的責任呢？因為是立及政府，會不會可告呢個政府呢就可以諗諗）
2.法律上由專業人士回覆。
3.教育圈很小，校長與校長又不少是相識。不建議為幾個月學費與學相搞到關係惡劣，傳來傳去。
我唔係法律界人士，但我覺得理應尊重合約精神，一開始已知道退學要一個月通知，呢樣嘢同學校有無提供教育無關
如果當合約看，我有給一個月通知，但在一個月通知期間是否在沒有學校所承諾服務下要付款？因為學校也毀約（沒有提供出應服務-和合約上有嚴重出入）.風球下或小朋友病不用上學是在合約上訂明的.該學校在額外時間教學也是有額外收費。
我的比喻不好，這不像雇傭合約（我可以訂明員工和合約細節），這像服務合約，例如2年寬頻合約，上面寫斷約需付餘下月份費用，在用了一個月後，如果寬頻不能拎政府續牌或倒閉或其他政府政策原因以致不能提供服務，消費者還須付合約訂明餘下的23個月嗎？
家長直接告教育局同政府施政問題啦
咁我都問。你2月有冇睇佢既片。當你講既岩。但相信你2月已經用佐佢既服務吧？咁你連2月學費都唔俾。就一定講唔過。
如果寬頻公司每個月給我一日寬頻，不是所承諾的一個月寬頻，我是不是要如合約付一樣費用？ 問題是他給予的和所承諾的有很大分別，不是小小分別，如果你是pn 家長，你會明白當初給小朋友上學，不是給小朋友YouTube 嘅原因
現在是政府制止學校提供服務，學校應該問政府索償，如果以合約方面看，家長如何代學校向政府追討停止服務的損失？
呢個就係你可以幫學校既野吧？
我唔係專家，希望唔好越講錯。不過頭先睇佐少少。。
https://www.clic.org.hk/tc/topics/consumer_complaints/consumer_protection/q6.shtml
睇下消委會呢啲答案會唔會令你諗到啲野?我唔係話呢個等如幼稚園學費。只係可以參考下
我自己覺得如果唔俾。不如你直接好似上面消委會咁提出俾學校聽。俾佢知道你要既野唔係呢啲。學校做唔到你想要既野。咁你睇下學校點回覆吧?上面講應該要拒絕佐先有權要求退款?
利申：我自己有小朋友讀緊幼稚園。
純粹分享。你覺得唔岩聽可以skip佐去就得。
其實主旨係你唔想比多過想問意見，咁咪直接同學校傾。個答案就係睇學校。
正式黎講，你係要比一個月通知期，咁通知期你係要比學費，無論你有冇用過學校資源。
但有啲學校，因為今次特殊情況，有酬情處理，唔夠一個月通知都當你3月退左。2月你先通知，學校有權收你哋2月/3月或者both
最後當然你可以照ignore , 可能最後冇交到錢，不過take risk 收法律信或者對升學reputation 有影響，如果你ok就照做