呢個真係考起… 我哋嗰陣時淨係幾件行李咁就搬咗嚟…
可能要上網搵物流公司報價.
Thanks, 揾到一間但都未有正式報價比我，似乎唔易揾
1個讚
好多人諗住開民宿, 移居日本。
但係其實大阪東京一早已經過剩，而家連沖繩都話過剩。
開咗如果冇生意，續簽證嘅時候就會有困難。
如果諗住真係用民宿呢條路，要考慮清楚。
我哋武漢肺炎多咗好多時間,
同埋舖頭嘅員工一齊做移民日本系列,
咁大家都有啲嘢做。
會訪問唔同去咗日本的香港人,移民騙案，
亦會解釋日本日常使費！
希望大家支持。
請指教如果識日文但已50歲男人，移民日本仲有咩方法選擇？
經營管理（即係做生意），
讀書簽證，
或者搵工，我哋聽過60歲都有人請去日本。
先謝謝回覆，如果攞讀書簽證， 正常可以打工， 咁自行教人學野， 例如功夫，泰拳， 得唔得？ 要唔要有牌？ 假設私人補習教英文又得唔得？
你一個星期可以做28hr 工作，除了風俗外，冇乜特別限制。
當然有啲人需要牌照先做得，例如導遊或者職業司機。咁就唔可以，除非你已經攞咗牌照。
想請教oki family, 女兒入讀日本學校，會擔心她的英文程度、發音嗎？因為日本人英文真係麻麻
會,非常擔心. （雖然日本呢兩年開始左每間學校都有一位母語英文先生教學生英文。日本而家正式開始注重英文）
所以我哋唯一叫個女(其實佢冇得揀)嘅課外活動就係英文。其他嘢佢可以自己選擇玩定唔玩，但係英文一定要學。
我哋屋企同佢講廣東話，英文班先至有機會用英文。佢而家嘅英文程度啱啱過咗英文檢測4，即係大約美國小學嘅二連級至三年級左右。（我個女而家三年級）。
暫時仲可以。佢之前好唔鍾意學英文，但係轉左校之後，得到好大成功感覺，變到好鍾意學習英文。
我哋有一篇文章都有講呢個故事： https://www.oki-family.com/尋找英文學校的故事/
1個讚
好詳細解答，thanks 。
1個讚
好鍾意沖繩，每年都會去～
沖繩黎講，其實係咪主要都係小手作生意，搵工反而比較難（尤其女性）？如果搞生意多唔多規矩？～例如燒玻璃嗰啲會唔有消防條例要搞一輪裝修？～
同埋唔計旅遊生意嘅話，本地人最肯喺邊方面洗錢？～
一家三口都唔識日文，小朋友得幾歲，會唔會入學有困難？(日本嘅幼兒教育真係好吸引～)
Hahaha, 呢啲呢啲問題其實係好常見嘅問題.
我哋拍咗一系列嘅影片講呢啲問題,訪問移居左沖繩嘅人。由佢哋把口講俾你聽佢哋面對乜嘢問題，點樣解決。
未來幾個禮拜我哋會慢慢推出（因為得我同我個潛水店員工兩個做剪接同埋字幕，所以好慢…)
https://www.facebook.com/451709898347029/posts/1475700922614583/
但係首先簡單解答左。呢度做生意其實好多條例，但係佢哋又唔清楚guideline, 所以解決其實唔困難。
例如你講嗰啲其實係防火條例，裝修嘅時候可以叫佢做埋。
但係有啲問題真係好難解決，例如旅遊業做導遊。需要攞牌照，好難考！
武漢肺炎下，回復得最快嘅其實係餐廳。
其實全世界都一樣，小朋友同埋老人家洗最多錢。
沖繩其實好多人人幾有錢，但係睇唔出。呢個係個文化問題，佢哋唔敢show off. 所以如果諗住做表面時裝呀果類野, 呢度冇生意。
讀書入學冇問題。但係你要選擇國際學校定係本地學校。未來影片我哋會有講點解做呢一種選擇。比我賣個關子先
1個讚
謝謝解答～期待條片～～
1個讚
已有既片都好好，期待新片，謝謝你哋
1個讚
我哋申請緊工作簽證，期待成功。過去揾學校、揾屋
1個讚
嗱嗱嗱，唔係比手足睇！唔好對號入座呀～嗰隻青蛙，係日本青蛙嚟㗎。
https://www.facebook.com/451709898347029/posts/1469280596589949/
日本經濟新聞講明香港一國兩制已經死咗，日本政府為咗吸納香港金融人才，放寬咗某啲條件。
1個讚
OKIFAMILY，
想問一下有無沖繩既行政書士介紹。 網上搵到既，都係東京同大阪。希望佢地提供沖繩既生意FRANCHISE項目，都無法介紹。 多謝你一直既分享，好有用！
香港人，加油！
抱歉啊, 我哋冇行政書是介紹, 因為唔移民英國加拿大, 日本有一定風險. 唔想人哋以為我哋賺呢啲錢.
佢我哋了解沖繩冇特許經營權。但係而家市面上其實唔少商業出售，舖頭連埋生意一齊搵人頂手。其實呢啲生意本來有錢賺，因為武漢肺炎所以導致到佢哋經營困難。
你可以睇一睇呢篇文章同埋搵裏面嘅網站: https://www.oki-family.com/疫情下移居沖繩的機會/
直接聯絡嗰啲公司.