這個POST原先在親子亡國, 我決定刪POST 移過黎!
我老婆在2019年係寶血醫院開刀生完BB, 過程非常順利, 依家大家分享吓.
我地JOIN左寶血醫院個開刀PLAN 4日3夜, 由於我地都係香港人, 所以有得免費升級到2人房, 醫院平時都唔多人, 香港人係好大機會都會住2人房的.
先講吓醫院環境, 婦產科係得一層, 基本裝修都好新淨同埋好清靜, 就算中午比較多人黎探訪都唔會好嘈雜. 以我目測香港人同大陸人比例係3: 7, 10個孕婦得3個左右係香港人, 但由於大家係分開住, 所以都沒有受影響.
間2人房雖然唔係好大, 但裝修算好企理, 洗手間都好乾淨, 整體房間係舒服.
房內有櫃, 夾萬, 洗手區, 洗手間同浴室等等.
講返生仔先, 我地係寶血掛名醫生名單內搵邱佩琪醫生, 基本上懷孕3個月後就開始跟邱醫生, 醫生每次都講解得都非常詳細.
到開刀當日, 爸爸是可以選擇入產房陪產, 好似要加一千幾百就可以陪入去, 實際唔記得加幾錢.
姑娘會先問爸爸想唔想剪臍帶, 如果想就會儘量安排, 因為要當時BB情況而定, 最後我係有剪到的.
我記得入到手術室醫生用了大約十零分鐘已經取出BB, 過程相當快, 而麻醉師一直係旁邊負責分階段落藥同講笑, 令我老婆可以放鬆一點.
大約用了一個鐘頭就完成晒成個過程, 而姑娘同兒科醫生會係另一間房幫BB清潔同檢查.
BB出世後, 爸爸係無得抱, 只可以隔住玻璃睇.
而媽媽就可以選擇親自去餵奶或交俾姑娘負責餵奶.
整體評價:
每位醫護人員提供能專業服務及態度良好, 感覺令人舒服滿意.
價錢合理, 開刀PLAN本身好似係4萬6千左右, 最後埋單唔洗5萬, 性價比非常高.
由於醫院規模比較細, 醫療設備應該沒其他大醫院齊備, 但一般順產/開刀是沒有問題的,
如果大家預算唔多, 寶血醫院係好值得考慮.
不過我係搵林慧筠醫生，林醫生都好好，我個傷口好細亦都復原得好快，冇唸過生仔可以咁輕鬆咁開心
