請問大家有冇焗爐推介？
另外，如果用圖中呢張木枱放焗爐，怕唔怕唔受熱？
冇焗野經驗，因想整多d花款野俾bb同佢老豆食，所以想買部，請問大家有咩建議呢？謝謝!
香港人好少用哩D檯擺焗爐﹐不過照計熱氣問題應該無問題；
座檯焗爐可以去睇下Delonghi﹐如果要 Build in 我就唔識了。
1個讚
可以呀
我焗爐喺hktvmall買，四百蚊咁上下已有，大約18-23L已夠用。如果去實體電器舖要睇吓有無貨，我上星期去睇過好多都無貨，最後上網買
Delonghi焗爐不錯，但貴少少
Homey扺用，多人買，所以斷晒貨，4月尾至5月中返貨
用緊delonghi，好多年前直接去豐澤揀
因為新屋個廚房太細，諗唔到放邊度唯有放廳某角落，疫情又唔方便出去慢慢揀，咪諗住貪方便喺姨媽家俬搵張實淨枱黎放
多謝你意見，我搵搵Delonghi資料研究下先！
哇！咁誇張！我以為只係麵包機先多人買添
多謝你意見，我再搵搵Delonghi嘅資料先！
請問用緊邊個型號？覺得好用嗎？
廚司機、打蛋機都多人講，應該呢啲都多人買
不如你講下budget先？預幾大地方放 ?
如果有budget, 一定要買有熱解清潔功能型號，仲有你有無獨立電俾焗爐？
我都唔知咪型號，畀個樣你參考
其實冇乜概念，但只買到座枱式，唔駛蒸功能，只係焗就ok
暫時望過下delonghi同 homey，唔覺有熱解清潔功能，呢樣係咩黎架？
有叫裝修師傅整獨立電制俾焗爐
謝謝
呢個架幾好喎！邊度可以買到？
如果係平時家用
真心好推薦ransonic REN-KMB 25L/28L 雙層玻璃 去到250℃ 有熱風 內膽夠大可以放到圓盤焗pizza 溫差唔大 都係$600-$800左右
你呢張檯可以放 焗爐其實俾預爐頂20-30CM散熱 旁邊都唔好擺滿雜物就可以
除左木檯有機會受熱變黑 張檯木面定鐵面都無所謂
好的，謝謝！原來焗爐有咁多選擇 
請問係咩型號？你買幾錢？謝謝！
我都用緊呢部，有得airfry 超正，不過價錢貴
BREVILLE BOV860BSS 2400W 22L 焗爐
屋企人係百老滙買，網上標價二千七百幾
1個讚