奶奶買生日蛋糕俾我，其實都開心嘅！
我自己個人就唔揀飲擇食，咩都岩食，但最鍾意就係朱古力，佢就話佢同姑奶就唔食朱古力同乜乜，咁你揀咩味？
我生日都係要就返佢哋自己，始終佢哋都一齊食，但就好似怪怪哋咁，定係我諗多咗？
我有話我最鍾意朱古力，但最後佢都係問我揀其他味。。
同老公講，佢又唔想理咁。。
基本上個蛋糕好似好少事，係咪其實我喺呢個家一直無被尊重我先咁大反應？
利申：佢哋唔係食朱古力會敏感
好少事，佢哋都起碼有心同你慶祝呀！
買個蛋糕俾你都唔係只for 你吹蠟燭嘛，咁買個會多啲人食既味，大家一齊食咪仲開心，你都唔想個蛋糕得自己食嘛！
放鬆下啦，Happy birthday
1個讚
就咁聽又真係幾奇怪…主動話買比你但又要指定唔可以咩口味…定係其實只係佢地想食某d cake之後借住你生日所以話買咋
2個讚
朝住開心方面諗會好過d
因為有人真係唔食朱古力 (我就係例子，好唔鍾意食)
咁可能奶奶覺得得你一個食到會有d d浪費
唔好太多心啊
雖然我都明你先係主角
但如果一家人切完蛋糕，得你同老公食，佢地兩母女唔食，就更加怪…
人與人相處都係我就吓你，你就吓我咁~~
最多叫老公買多個朱古力蛋糕二人世界再慶祝 
6個讚
我覺得正常會就大圍，因為生日蛋糕是大家share食。
2個讚
幾好呀，記得你生日仲要有cake
我果個淨係封利是
2個讚
其實我都冇乜所謂…
正如大家食飯咁, 我都會叫唔好食辣…咁同場都有人鐘意食辣…咁囉
叫老公另外送朱古力比你嘛
1個讚
我就係放開唔到，可能因為老公無買返個朱古力蛋糕俾我掛
但我哋同住，又買見到咪好似抗議咁囉。。
我冇奶奶，唔好話慶祝，想搵多個人記得我生日都唔容易。唔係想同3你講我幾慘。你樂觀啲諗，think positive. 件事就會有唔同感覺。happy birthday
2個讚
我都想要利是，反正個蛋糕都唔係我想食嘅味，情願要利是
多謝大家嘅祝福
我覺得99 …我覺得同同事…一個LEVEL…進入hi and bye mode…有冇都冇乜所謂啦
2個讚
我結左婚好幾年都係今年先有生日蛋糕咋，之前都係得利是，佢地有幫你慶祝好有心好難得
老公唔買蛋糕就要買禮物喇
1個讚
有年我生日我媽話同我食飯但要就距想食果間，然後我reject左唔去食，同我老公一家食自己想食既嘢。。。丫媽有時都可以係咁，何況奶奶
2個讚
收到呢個真係咩味都ok
1個讚
又真係好啱
雖然我媽未試過咁，但其他事情上都有啲係奶奶好過呀媽
如果佢地真係唔鍾意食都冇辦法，而且唔同朋友可能會買唔同既蛋糕俾你
當食多幾個味，咁樣開心好多！
1個讚
啱呀！蛋糕我可以有另一個胃無限食！
生日快樂
1個讚