工人房開燈開到兩三點（或者更夜，我見過，但冇特別check佢），沖涼沖40分鐘以上，俾著你哋，會唔會話佢？
有得揀邊個想做醜人，有時好憎啲姐姐鍾意測試人底線，開口話佢又傷感情，唔開口自己條氣唔順，佢哋點解唔自己識do。
我比佢用手機（WhatsApp 、睇片⋯⋯），因為兩公婆返咗工，你唔俾佢用佢都會用㗎啦，只要唔影響工作，管唔到咁多。我叫佢唔可以工作時間講電話，都開口話咗佢兩次，而家佢間唔中偷雞好細聲喺廚房講，我當唔知。
我呢個姐姐超級玻璃心，又自我，公主病但冇公主命，但都算醒目，做嘢OK。
如果日頭做嘢有精神，我唔會理佢幾點瞓。
沖涼耐可以提下佢、又或者提佢水費貴。如果得一個厠所就更加會出聲。
用手機呢、自己返工都會用，所以唔會點理。
1個讚
我老公都係咁講，成日幫口：盞燈唔係好嘥電、佢都唔係用好多水⋯⋯佢好驚換姐姐，教佢煮飯好辛苦。
係，燈我覺得都ok gar，邊個打工仔夜晚唔想有啲私人時間，唔影響日間精神都ok。
沖涼就難攪啲，我有朋友姐姐一日兩沖兩次，每次一粒鐘，可能提下佢大家都要用廁所，或者太耐就拍下門話要去 
1個讚
佢幾點費, 幾點熄燈我唔MIND, 燈膽用電唔多, 換個LED比佢囉. 只要佢日頭做野精神就得啦.
沖涼40MINS?咁係一個TOILET 定2個TOILET?
如果係一個TOILET比佢咁霸住, 我會話佢知阻住我.
如果係2個TOILET佢自己用一個, 咁我又唔會理佢.
40MINS 係開住用水嗎? 如果係, 幾多個TOILET我都會話佢, 咁樣好浪費水源.
1個讚
聽到大家咁有用嘅意見，咁我會隻眼開隻眼閉，始終請工人唔容易。
我會點？問你自己好啲，你嘅答案就係我嘅答案，所以我會做好本分，避免令人話自己。
唔影響工作就得.
如果佢做野冇乜問題就由得佢啦。工人係住響你度一齊生活，我覺得好難用返工放工打工仔心態去睇佢地。例如工作時唔好講電話，其實我自問自己都做唔到，我仲會一邊返工一邊上網添xd
建議同姐姐講要求時盡量清晰，例如廁所要每朝起身前清潔好；七點前要整好早餐，每日既衫要洗好晒，一日要抹兩次地，朝早一次晚飯一次，一星期換一次床單等等，只要佢做得掂就由得佢。其實我都係咁做，佢做得掂，佢邊做野邊講電話甚至睇戲我都冇理。偷偷話你知…阿女細個時我會比佢同阿女一齊瞓晏覺架。
其實人地離鄉別井打工，將心比己，比d體諒同自由佢會好d，佢地會感受到架。
自問對工人不錯，上一個工人做咗六年，退休回鄉。這個工人做咗四年，黎緊打算介紹好朋友來接替佢個位，佢想專心搵男朋友結婚。做得辛苦、對佢刻薄，就唔會介紹人來做啦。
我只係唔鍾意佢自我，唔接受其他人意見，仲有唔問人意見就自把自為，例如買個大提琴擺喺自己間房，又有兩個大行李喼，我諗全香港無邊個工人可以霸佔咁多地方，仲要冇問過人。話佢，佢就會玻璃心，覺得I‘m different’，意思係：唔好攞我同其他工人比較。