我見到大家反應，我確係有啲操之過急，我之後都會盡量多出其他新post，豐富討論，謝謝你既提醒
我無激動，唔需要冷靜，我最初嚟呢度的確好多話題都圍繞bk，但之後都開始少，只係一個過渡期，同埋一開始主要嘅人都係個邊玩得唔開心先跳過嚟！好多已經玩咗超過10年，要一下子完全唔提根本係無可能，咩活係陰影之下，呢句的確言詞讓人好唔舒服，有好多嘢好多人想講好耐都無渠道，難得呢邊有志同道合，可以暢談一番，結果比人開post諷刺，咁樣真係同個邊係一樣，一樣無辦法超越！
Agree, 我呢日追post先發覺咁多起碼十年以上的舊人轉會，我自己係03/04註冊，點都有d野呻下掛。正如另一jm講，樓主一個月後開會更好，原意係好，但錯timing。
如果呢度係連登，已大把人話樓主係度分化，我相信唔少人都咁諗，只係無講出聲，大家都好客氣
1個讚
本人比較無聊, 又八卦…所以好鐘意上forum…唔好LOOP 呢個PO…講下其他野, 因為好多新朋友仔都入左黎
其實，我覺得呢個係分化post，至少佢成功令其他人有一個「你咁煩，不如我返去BK。」嘅想法。 
老實講，唔通我開post叫人唔好講升小學選校，因為我個仔已經讀中學; 或者叫人唔好講貓狗，因為我無養寵物?
如果D post無人有興趣就會自動沉底，唔駛出post講
2個讚
個邊就係興咁樣，會開post話人做咩咁多乜乜post！樓主做法同個邊就係同出一徹，仲講咩超越？
如果令妳有呢個誤會，我好抱歉T^T
不過都要澄清少少，我從來無叫人大家唔好開某類型post，就算係BK既post，我都建議集中討論比較好，而唔係唔開得，不過日後我會注意返，多謝妳提醒^^
再一次令妳誤會，我要講聲唔好意思 
有關超越，我原意係因為BK一言堂風氣，而且官方會配合壓制一啲唔同立場既意見同討論，所以希望呢度可以做到多元化同民主既參與以及討論，如果我地共同帶到比BK更多資訊、更深入既討論，甚或更多令人反省社會有何不足既討論，就超越到BK獨沽一味既不良風氣
至於陰影，我之後會注意返，避免再有呢啲令人誤會既字眼，多謝妳提醒咁樣可能反而窒礙討論
多謝妳提醒，既然已經開post，我都會注意返保持一個提醒既角色~
至於分化，以我個人由未有連登睇到今日，呢類post其實都多，而且用字更尖銳，當然我唔係要用連登標準去衡量，而係我覺得我確係錯timing，不過我唔認為咁輕易就分化到大家。而且好多留言都好好咁指出大家需要時間去過渡，所以我斗膽認為問題主要在於timing。
喂hi! 呢度見面啦!
1個讚
無誤會，你最初已表明咗，想呢度高質過個邊，又叫人離開咗就唔好提！呢啲已經係要求嘅一種！
BK嘅不良風氣唔係獨沽一味，而係個邊版主縰容班人打壓異己！
暫時我係呢邊玩得好舒服，亦好活躍，但如果經常同個邊一樣有類似呢類post，我會選擇唔玩，因為我上網係消磨時間，輕鬆吹水，唔想玩得就住就住！
其實百花齊放 無衝突ga
想睇咪click入去
唔想睇咪自行skip
係大家都有選擇嘅基本自由
唔洗諗到太複雜
有個forum都係for leisure
明白，我之後會避免，我相信呢度亦唔會咁多呢類Post，大家輕鬆就好，再一次多謝你提醒 
都係架，所以我都只係視呢個post係一個提醒，有其他合適話題就一齊傾下咁 
時間問題啫，呢度先岩岩開，唔少都喺個邊immigrate過黎。。多啲新血加入呢啲話題就自然淘汰架啦
你唔講都唔記得左BK
一年前多就Del左個癈app
我反而覺得開頭呢段時期唔係大問題喎，好老實，C9網點會唔講人是非，正常响新公司見返舊同事都會噏多幾句舊公司是非（如果舊公司/老細黑人憎）啦。
好老實，呢類題材傾傾吓只會淨返一、兩個人傾，再傾多一段時間就冇新鮮感㗎啦。
1個讚
我好冷靜，只係想講你一開post個語氣唔係重左而係已經今人好反感！好彩呢到啲jm好脾氣如果係對家睇怕已經開緊火，你都識講自己少玩BK，呢到開post同出聲嘅jm 好多就係因响Bk受到不公平對代或被起底而又唔可以出聲，就算出聲都比人圍，而呢到比到個地方佢哋舒服咁講自己感受，但你不知就裡就開一個咁嘅post，如果係bk我會懷疑你响到攪分化！
4個讚
jm你大方又美麗，唔好嬲。
大家唔好傷和氣
我一啲都唔美麗
，不過我真係無嬲，可能說話太直，比你有嬲嘅感覺