ok啦我覺得，初頭梗會有呢啲情況，始終果個係我哋嘅共通點，我又覺得唔使太刻意唔講，不過唔好太好帖講同一個話題（任何話題都係），否則可讀性會愈來愈低
1個讚
初初係咁，慢慢呢度就會建立呢度既特色，只要大家堅持落去，一定會擺脫舊壇影子
比D 時候大家過渡, 畢竟好多jm 喺嗰邊受咗咁多氣, 响度宣洩下好正常. 邊個討論區唔講是非?
4個讚
依家好間中去BK望下，只睇1-2分鐘就眼火爆
針冇兩頭利
呢度有好多BK舊人，如果頂得順嗰邊根本就唔會過嚟，過渡時期我覺得講吓仲可以凝聚吓大家
連登果邊一開頭都有段時間會不停鞭高登
又比較兩邊
最緊要都係討論量同人流, 要做起個論壇都要有高質發言
呢個只係過渡期亦係必經階段，而家已經多咗好多話題啦
我啱啱都Delete 咗BK 個app! 正式分手了！
4個讚
無避忌呀，只係既然另立門戶，就希望可以超越BK，我覺得無謂不斷回頭，開多啲唔同類型既post，做好呢度會更好。畢竟人地咁多年，累積唔少資訊，我地新開唔容易站穩陣腳，所以要更小心唧~
明呀，所以我係想提醒大家，講太多就走火入魔，會唔記親子講場唔係是非講場
同意，人地BK咁多年，會講番都正常，但唔可以過多。
但更重要係人地咁多年儲左好多唔同資訊同網絡，但超越BK只可以靠高質內容同討論先得，而且唔止係日常家庭同子女教養個啲，應該進一步觸及教育政策。
即使其他話題都係，買野post唔應該只流於邊個平，更應該做個負責任消費者，由係咪黃、中國製、有無化學成份、有無剝削勞工之類既角度出發。咁先可以成為真正好既平台，而毋須再同BK比較
即係咁，我開左好多唔同嘅題目，都好歡迎你留下言，內容豐富d，就會建立到bd 文化
2個讚
樓主你尼個鋪兩個月後再開都未遲
大家都係發洩下對bk既不滿
6個讚
呢個係必經階段， 無傷大瓦，樓主可幫手開多d新題目給大家討論，繼續針對呢個話題，就真係活係BK 陰影底下啦
1個讚
其實無咩問題，無人講先奇怪
我唔係返工，係上網吹水，超咩越？小咩心？
我嚟呢度就係覺得呢邊舒服，如果要求我呢樣個樣，玩得咁辛苦，同個邊有咩分別？
4個讚
冇錯，網上吹水都只係想舒服，想講乜就乜，下下都要諗超越為乜？
2個讚
我都只係剛註冊一日, (仲要尋日限我只發言10次, 剛剛解封), 文革後都有傷痕文學啦, 比少少時間我地發洩啦
1個讚
冷靜啲，我無要求必須跟我做法，如果因為咁令你唔舒服，我為此道歉🙇♂
我原意只係希望呢度更多元化，可以有良性互動，避免BK咁郁啲就攻擊，結果語氣上用字上都重左，搞到表達唔到我既想法。
我都係想大家feel free去玩就可以，最初出post係因為我本身好少玩BK，但好多post都係關BK事，就覺得既然大家唔喜歡BK個種風氣，以至立場，不如少提BK唧。抱歉令妳hard feeling
我都常常見你好落力，多謝妳
有時見到合適既post都會回覆，我之後都會盡量抽時間開post，一齊努力就好