樓主要加油~
係呀，有d人係complete agenesis corpus callosum直情無左，我個女係無前端同埋薄，係屬於partial agenesis corpus callosum
問過幾個醫生，個個都話case by case, 有d人係同普通人一樣甚至一生都無發現自己有哩個問題，好似我咁，如果唔係我個肚太大瑪嘉烈係我臨生前幫我照大小，都唔會意外發現到，因為如果bb出左世而佢無明顯問題同徵狀係唔會無啦啦照嬰兒腦部超聲波，只有腦囪未生埋之前先照到，一旦生埋左要磁力共震先會照到，如果一般人無乜特別更加唔會特別去做磁力共震，所以叫我唔好咁悲觀住，至少暫時佢無任何嚴重徵狀
我未到高齡所以政府唔會同我做結構，淨係係私家做左，同埋由懷孕好早期起，我已經每個月去私家做一次產檢，每個月都有照ultrasound,一路都無發現到，T21又做晒，以為萬無一失，最終都係咁樣，你話有d野係咪整定?
多謝你幫我做左咁多research,我都發現所有資料都係外國網站先搵到，香港有既資訊太少，我發現外國好多人係好大個，30，40歲先發現自己有，佢地好似一般人咁生活，我希望我個女都係其中之一，可以做個普通人，可以照顧自己。以前覺得自己係完美主義，少少唔如意就會好介意，我以為我會做個tiger mom,無諗過有一日我只係想小朋友做個好平庸既人，或者做一個只係一個普通讀書成績差既小朋友，我覺得咁樣已經係恩賜。
佢暫時真係完全無其他腦部或者身體上既異常，親戚仲讚佢好醒目，手腳又有力，仲意同人玩又成日依依吔吔同大人講野，我每次聽到都暗暗希望佢可以跟得上普通人，想將我既運氣比晒佢。
而家佢仲咁細，其實真係好難睇到佢需要咩幫助，唯有都係等時間過，哩段時間我覺得我最需要係幫自己做好心理建設，叫自己要堅強。
18個讚
我終於搵到有人有類似問題喇!
咁聽你講我個女同你個女都有少少類似，都係短左，我女係因為無左前端，加上我女係薄，醫生都係好保守咁話大腦既野好複雜，神經既走向更加係好難預測，有時唔知點解有人無左都可以好似正常人咁生活到，所以都係睇佢成長上需要咩協，盡量幫佢發揮到最好。
我女係屬於頭圍偏大，不過係正常範圍入面，2個月時幫佢照腦部超聲波，除左胼胝體問題之外無照到其他異常，而家日日觀察住佢，佢每學識少少野例如擺隻手入口食，拎玩具去佢手邊佢識渣住放入口，眼晴會追住佢有興趣既野，我內心都好感恩。當然我最重點想睇都係佢學爬學行同學講野，因為幾乎係完全展示到佢左右腦協調能力水平，但佢得2個半月我仲有排等，我成日望住佢盼佢快d長大，d未知情既朋友笑我，話佢長大左你就唔捨得，其實我係有苦自己知，我希望佢快d長大我先可以知佢既問題影響佢d乜野。
由生左佢開始哩件事既陰影一直籠罩住我，我幾乎無辦法感受人地初為人母既喜悅，試過一覺訓醒係即刻感受到一種舖天蓋地既傷感，眼淚就湧出黎。會突然同人傾傾下計喊，但我成日同自己講一定要堅強，唔可以倒下。
我其實有好多野想請教你 ，例如你囡囡成長入面有無遲學爬學行，學講野有無慢?有無對爸爸媽媽既表情同情緒有解讀困難?肌肉發展有無弱?運動或者跑跳有無問題?佢係咪讀普通學校?
你有無識一d有相同問題既家長?
非常抱歉我真係好多問題，但你係我遇到第一個係香港既case既家長。
2個讚
囡囡巳經小學la, 由出世開始我就自己湊，佢一路學野都好有自己一套ga，學爬學行都好快手，未夠一歲巳經放手自己行，係學爬嘅時候個資勢同其他b b 有d唔同，佢只係用對手同一隻脚爬，當時我見佢爬得到，係古怪d啫, 就又得佢，後來好快識行就冇再爬la.
對爸爸媽媽嘅表情同情緒解讀，唔覺有咩問題，佢好少喊同鈕計，b b 時係冷靜派，基本上都唔會點主動叫你做野，但你同佢玩，佢會玩得開心過你 . 好鍾意笑 .
講野係慢嘅，無論單字定句子都慢，兒科都覺得係慢d, 但佢聽得明，又跟到指示，而且當時就來入幼稚園，兒科就叫我睇埋開學之後老師評價先 .又真係返學後講野叻左好多，最後係你而加想佢收聲都難。
肌肉發展，運動，跑跳就ok la. 識行之後冇耐就跑la，由於佢好肯行，我成日會帶佢去街街，唔洗抱唔洗b b 車。
佢係入讀普通學校，幼稚園interview in 左5 間，5間都收左佢，所以佢係入左區內數一數二嘅幼稚園，仲識左一班朋友仔丫~
總括來講，佢嘅成長都係有驚無險，有自己嘅成長節奏，所以你都唔好咁灰，唔好太過擔心la~多d 休息，比心機陪b b 一齊成長，b b 都教左我唔少野，深深體會到咩叫船到橋頭自然直，未發生嘅事，未必會發生嘅事唔好諗咁多住，唔抵呀~
另外我自己覺得其實定期帶佢返兒科做檢查，都唔係壞事，由佢出世開始，除左兒科醫生，仲有營養師，骨科，物理治療跟過佢，幾年下來，自己都學到野ga. 又起碼定期有個專人幫你排解心中疑慮，個心會定好多，所以真係唔洗太擔心住先，何況而加b b咁細又都冇咩事，影響埋情緒對自己身體同身邊嘅人都唔好丫~
同老公好好享受下湊b b 先la. 佢地真係一轉眼就長大而且獨一無二ga~ 加油 & good luck to you~~~ 
23個讚
明白你會唔開心，但係你要加油向前行呀！
你分享既經歷係我生完以黎最令我鼓舞既野
我都會好似你咁積極面對，希望可以好似你咁幸運遇到曙光。
暫時我仲會番工，下個月放完產假就交比工人湊，萬一我發現佢真係需要特殊協助，我會認真考慮做FTM,坦白講雖然我自問唔係個稱職家庭主婦，但如果bb情況特別，佢最需要係媽媽全程協助，我到時都會get ready 去全力support 佢
10個讚
係呀~囡囡主要係keep 住做多方面檢查咁,因為兒科都好緊張b b ga, 會一路keep住check 佢成長，其實除左見營養師之外，暫時都冇接受過任何長期治療， 就係定期檢查下，有需要就轉介到專科做檢查咁lor, 咁就算有咩事都可以及早發現到就好la. 直至我地離開左香港之後就冇再返去做定期檢查la.
所以媽媽你盡量放鬆下先~~ 希望你b b 都一路平安成長 ~~ 有咩就上來傾下la ~~
2個讚
我而家23w同樣遇到呢個問題，可唔可以分享吓bb出世後有冇乜嘢特別？我正在考慮繼唔繼續懷孕
Pm你丫
要告個醫生就難啲⋯⋯始終結構冇話100%，我照個時私家醫生都話只係7成準，佢亦冇提供list比你話會睇咩，就算其他醫生包，都唔代表佢會包。
唔好睇成人為因素
而係個天幫你做左決定
連出名的醫生都搵唔到，證明人力有限，唔知就係唔知，不一定有人出錯
2個讚
係啊，其實講到明唔係咩都check到
有時bb合唔合作又影響，佢地響個肚入面都郁來郁去
所以心力留返響照顧bb身上，唔好再鑽響醫生失誤呢個位喇，媽媽加油
1個讚
你講得好岩，而家囡囡4個半月，發展得好好，暫時醫生都話佢無乜問題，都係keep住幾個月番去跟進下發展。
曾經好嬲個醫生，咁都無發現，而家我好感激個天，好彩佢無發現，令我無經歷咩心理爭扎就生左佢出黎，我唔敢想像如果一早發現而最後決定放棄佢既話，我最後會失去左成為佢媽媽既機會，我稍為想像一下個心都覺得痛到無以復加
我覺得我同囡囡係世上最幸運既人
多謝大家關注哩個post ，同埋係我最低潮既時候比左好多資訊同鼓勵我
你地令到一個媽媽重新振作，bb有正能量既加持佢而家既發展非常好
31個讚
好開心見到你同bb好幸福 繼續加油呀
1個讚
請問樓主，BB 而家健健康成長嘛？最近照結構醫生話BB胼胝體有但係短，想知道多啲資訊。。
2個讚
去醫委會投訴喇
Bb而家發展得幾好呀
係咁既，我最後番政府照bb腦部超聲波（4個月同7個月），但兩次照政府都話無問題，無薄又無短（同私家照個結果話薄左同短左完全相反），然後政府個醫生仲話佢地幫我照果個係專照兒科好多經驗，唔同出面私家乜都照但唔專精，咁於是我個心情就好似過山車咁由原本好絕望又升番上雲端
同埋以你情況，我想分享番我之前見過咁多醫生問左咁多意見既金句比你，醫生同我講，其實胼胝體只要有就可以，長短唔係我地諗咁重要，等於有人血管粗d，有人血管幼d，係咪幼d就輸唔到血同養分呢？答案係唔係既，只要夠用就得架喇，正如個頭大d係咪真係好聰明？經驗話比我地知係無直接關係。
希望你唔好太擔心啦
6個讚
我bb短既情況比啲平均數最短個數仲低，但其餘bb結構睇唔到有問題，於是私家建議refer返政府再照結構拎2nd opinion ，政府隔左一week再照結構，照到胼胝體有增長，但都係短，於是建議做晶片DNA Test ，要等3星期先知有冇基因問題，感謝樓主分享。