比較長，希望大家在幼稚園選校上俾D意見，謝謝
小女性格比較活潑和自由奔放，所以在N班初期都算是頑皮的學生，坐唔定，例如上課其間離開座位。雖然她是中B，但很感恩能夠獲得中西區女半龍（pm)和 九龍塘英文幼稚園 (am)取錄。
中西區女半龍離家較遠（坐校巴需要一小時），所以我們都有所顧慮，但它有聯繫的中小學，還要是傳統名女校，實在吸引。亦怕她的自由奔放性格，可能會被傳統學校標籤為「壞學生」。
至於九龍塘的英文幼稚園，我們都十分喜歡，車程較近，而且可以為英語打好基礎，不過升小又是另一難關，比較沒有保障。
因為家住校網沒有傳統名校，我們希望即使大抽獎抽不到好學校，都會扣門（如：瑪利諾修院學校及油麻地天主教小學），如果有好的直資小學都會考慮。請問大家會點揀，謝謝！
幼稚園近好重要，瞓多一個鐘人都醒D。
如果響九龍塘名幼讀得好，考直私小學已有優勢，到時大把選擇。
多謝你意見
我就係驚車程
但又好想保險D
所以好頭痛
不論父母定小朋友，考小學真係好辛苦，而且變數大，即使你裝備好亦未必次次順利，所以我會㨂半龍，半鳥在手好過百鳥在林。
加上本身校網無心儀學校，扣門如扣傳統名校唔容易，St Mary 同天神要考卷，要操學術有相對程度先有機會，瑪利諾就報左都未必有得見。
至於校車時間，我如果揸車十分鐘車，坐校車亦需要四十五分鐘，所以一個鐘我又覺得差不多，除非係正屋企樓下。
而且返下午班，瞓夠先返學。但要考慮返下午班，如果會補習就要星期六先去。
利申我小朋友讀緊龍幼，我會建議有龍揀龍。今年9月原校小一，佢當初都幸運考到好多間offer，但我首選都係幾間龍幼做比較，考小一比考k1痛苦好多好多，如你間龍小容許抽獎咪抽，唔俾抽你都可以照去心儀津小叩門。
車程遠嘅問題你可以搬屋嗎？
btw 唔肯定你邊間，朋友女讀spk 當初擔心好嚴好傳統好悶，但小朋友原來都好開心，教得佢地好乖，但唔會好死板。
如果為左目標為本龍幼，唔習慣先轉番出黎。
亂估，聖士提反同st cat.
有半龍揀半龍。但如果到時真係咁不幸入唔返都唔好望返轉頭。
有龍揀龍，考小學是好大壓力的活動，先坐龍再考其他心儀小學方為上策。當然，若你對小朋友有信心，而大人又準備一戰就另作另論。
當小朋友讀緊幼稚園，啲人知你有半龍都會相當adore 你。
油天鍾意收SC 扣門的
Maryknoll 就唔知道準則了
我麻麻地ssg ，而且只係半龍是嗎?
你喺SC 做到一半以上嘅一批，要入一啲ssg level 嘅九龍區小學唔難，你又住喺九龍
我會揀SC
不過當然睇你是勤力媽媽定係點啦， 如果讀SC呢三年你可能都要同囡囡努力
聖堤vs st cat?
聖堤叩門位比聖堤生,但得好少位。我會揀st cat。
比我會選女半龍，始終玩小一面試的壓力實在好大，我寧願車程遠少少換來小D壓力。如果油麻地天主教小學vs 女半龍小學，我會覺得半龍小學吸引啲。MCS 小一冇扣門位，你要考也要小二要有插班。
小朋友咁細，其實好難講佢不適合女半龍
St Cat 係好，不過競爭激烈，家長無限資源培訓小朋友。本身英文幼稚園好多都出面補英文，中文更會出去補，仲有其他體藝。你睇下承唔承受到。
利申：我係過來人。有個小朋友讀St cat ,細那個讀另一間，唔係St cat 唔好，開頭都想細入番，但唔得。
不過你都要了解下半龍收番自己幼稚園生情況，如會有幾多位收番幼稚員，自己有冇夠位入自行等等，要搜集多些資料。希望幫到你。
但因為我有考慮半龍女校（免費）再外補 iLearn
先生覺得上午補完再下午番學太辛苦 又唔知有冇成效
因為某d家庭原因 唔會考慮搬去港島
所以先一直決定唔到
另一間係聖心 
聖心啊 但都一樣 今年240 人
往年小一 津加私共收大約150
所以競爭都大左
多謝你呀想問下係咪個個讀St cat都會再外補全科
因為學術唔夠其他學校
係咪冇補既就冇乜好offer
唔可以話個個，但大部分。一夠名幼都多范數
有啲本身有亞大入左名小政府學校，會軽鬆d.
只得一個小朋友肯定會悉心培訓